പാ​ട്ട​ത്തി​നെ​ടു​ത്ത പാ​ട​ത്ത് ജൈ​വ നെ​ൽ​കൃ​ഷി​യു​മാ​യി ഗു​രു​വാ​യൂ​ര​പ്പ​ൻ

പു​തു​ന​ഗ​രം: നാ​ട​ൻ നെ​ല്ലി​ന​ത്തെ പാ​ട്ട​ത്തി​നെ​ടു​ത്ത കൃ​ഷി​യി​ട​ത്തി​ൽ പ​രീ​ക്ഷ​ണ​വു​മാ​യി പ​രി​സ്ഥി​തി പ്ര​വ​ർ​ത്ത​ക​ൻ. ത​ത്ത​മം​ഗ​ലം പ​രു​ത്തി​ക്കാ​വി​ൽ എ​സ്. ഗു​രു​വാ​യൂ​ര​പ്പ​നാ​ണ് ഒ​ന്ന​ര ഏ​ക്ക​ർ പാ​ട്ട​ത്തി​നെ​ടു​ത്ത കൃ​ഷി​യി​ട​ത്തി​ൽ ച​മ്പാ​ൻ നെ​ല്ല് കൃ​ഷി​യി​റ​ക്കി​യ​ത്. പൂ​ർ​ണ​മാ​യും ജൈ​വ രീ​തി​യി​ൽ കൃ​ഷി ചെ​യ്യു​ന്ന ഗു​രു​വാ​യൂ​ര​പ്പ​ൻ ര​ണ്ടാം വി​ള​യാ​യാ​ണ് ച​മ്പാ​ൻ ഇ​ന​ത്തി​ലു​ള്ള മ​ട്ട നെ​ല്ല് വി​ള​യി​ക്കു​ന്ന​ത്. 100- 110 ദി​വ​സ​ത്തി​ന​കം വി​ള​വെ​ടു​പ്പി​ന് ത​യാ​റാ​കു​ന്ന വി​ത്തി​നെ പ​ര​മ്പ​രാ​ഗ​ത ക​ർ​ഷ​ക​നാ​യ വേ​ർ​കോ​ലി സ​ന്തോ​ഷി​ൽ നി​ന്നാ​ണ് വാ​ങ്ങി​യ​ത്.

പ​ഞ്ച​ഗ​വ്യം, ജീ​വാ​മൃ​തം, പ​ഴം, പ​ച്ച​ക്ക​റി​യി​ൽ നി​ന്ന് ഖ​ന​ജീ​വാ​മൃ​തം എ​ന്നി​വ മാ​ത്ര​മാ​ണ് കൃ​ഷി​യി​ൽ ഉ​പ​യോ​ഗി​ച്ചു വ​രു​ന്ന​തെ​ന്ന് വൈ​ൽ​ഡ് ലൈ​ഫ് പ്രൊ​ട്ട​ക്ഷ​ൻ സൊ​സൈ​റ്റി സൗ​ത്ത് ഇ​ന്ത്യ കോ​ഓ​ഡി​നേ​റ്റ​റാ​യ ഗു​രു​വാ​യൂ​ര​പ്പ​ൻ പ​റ​ഞ്ഞു. ജൈ​വ​കൃ​ഷി മ​റ്റു കൃ​ഷി​യെ​പോ​ലെ ന​ല്ല വി​ള​വ് ല​ഭി​ക്കി​ല്ലെ​ങ്കി​ലും വി​ഷ​മി​ല്ലാ​ത്ത ഭ​ക്ഷ​ണം സ്വ​ന്ത​മാ​യി ഭ​ക്ഷി​ക്കാ​മെ​ന്ന തീ​രു​മാ​ന​ത്തി​ൽ നി​ന്നാ​ണ് ഗു​രു​വാ​യൂ​ര​പ്പ​ൻ ജൈ​വ കൃ​ഷി​യി​ലേ​ക്ക് നീ​ങ്ങി​യ​ത്.

ന​വം​ബ​ർ 16ന് ​പാ​യ്നാ​റ്റ​ടി​യാ​യി വി​ത​ച്ച് ന​ട്ട ച​മ്പാ​ൻ നെ​ൽ​ച്ചെ​ടി​ക​ൾ​ക്ക് ഇ​പ്പോ​ൾ 70 ദി​വ​സം പ്രാ​യ​മാ​യി. കീ​ട​ബാ​ധ വ​ലു​താ​യി ഉ​ണ്ടാ​യി​ട്ടി​ല്ലെ​ങ്കി​ലും ക​ള​ക​ൾ കൂ​ടു​ത​ൽ ഉ​ണ്ടാ​വാ​റു​ണ്ട്. വി​ള​വെ​ടു​പ്പി​ലൂ​ടെ ല​ഭി​ക്കു​ന്ന അ​രി സ്വ​ന്തം ആ​വ​ശ്യ​ത്തി​നു പു​റ​മെ ബ​ന്ധു​ക്ക​ൾ​ക്കും സു​ഹൃ​ത്തു​ക്ക​ൾ​ക്കും ന​ൽ​കാ​നു​ള്ള ത​യാ​റെ​ടു​പ്പി​ലാ​ണ് ഗു​രു​വാ​യൂ​ര​പ്പ​ൻ.