കോട്ടയം: നിയമസഭ തെരഞ്ഞെടുപ്പ് പ്രചാരണത്തിെൻറ ഭാഗമായി സ്ഥാനാർഥികൾക്കും രാഷ്ട്രീയ പാർട്ടികൾക്കും ഉപയോഗിക്കേണ്ടിവരുന്ന സാധന സാമഗ്രികളുടെ നിരക്ക് നിശ്ചയിച്ച് ജില്ല വരണാധികാരിയായ കലക്ടർ എം അഞ്ജന ഉത്തരവിറക്കി. ഇതനുസരിച്ചുള്ള തുക ഉൾപ്പെടുത്തിയാണ് തെരഞ്ഞെടുപ്പിെൻറ ചെലവ് കണക്കുകൾ തയാറാക്കേണ്ടത്.
എല്ലാ നിയോജകമണ്ഡലങ്ങളിലും നിയോഗിക്കപ്പെട്ടിട്ടുള്ള സ്ക്വാഡുകളുടെയും മീഡിയ സര്ട്ടിഫിക്കേഷന് ആൻഡ് മോണിട്ടറിങ് കമ്മിറ്റിയുടെയും റിപ്പോര്ട്ടുകളുടെ അടിസ്ഥാനത്തില് തെരഞ്ഞെടുപ്പിെൻറ ചെലവ് നിരീക്ഷണ വിഭാഗം ഓരോ സ്ഥാനാര്ഥിയുടെയും ചെലവുകളുടെ കണക്ക് തയാറാക്കുന്നുണ്ട്. സ്ഥാനാര്ഥികള് സമര്പ്പിക്കുന്ന കണക്ക് ഇതുമായി ഒത്തുനോക്കിയ ശേഷമാണ് അംഗീകരിക്കുക.
സ്ഥാനാര്ഥികള്ക്ക് പ്രചാരണത്തിനും അനുബന്ധ പ്രവര്ത്തനങ്ങള്ക്കുമായി ചെലവാക്കാവുന്ന പരമാവധി തുക 30,80,000 രൂപയാണ്. 10,000 രൂപ വരെയുള്ള സാമ്പത്തിക ഇടപാട് നേരിട്ട് നടത്താം. അതിന് മുകളിലുള്ള ഇടപാടുകള് ചെക്ക് മുഖേന മാത്രമേ പാടുള്ളൂ. തെരഞ്ഞെടുപ്പ് ചെലവുകള്ക്ക് മാത്രമായി സ്ഥാനാര്ഥികളും രാഷ്ട്രീയ പാര്ട്ടികളും പ്രത്യേക ബാങ്ക് അക്കൗണ്ട് തുടങ്ങണം. തെരഞ്ഞെടുപ്പുമായി ബന്ധപ്പെട്ട് തുക ചെലവഴിക്കുന്നത് ഈ അക്കൗണ്ട് വഴിയാകണം. നിലവിലുള്ള അക്കൗണ്ട് ഉപയോഗിക്കാന് പാടില്ല. ദേശസാത്കൃത ബാങ്കുകള്, സഹകരണ ബാങ്കുകള്, പോസ്റ്റ് ഓഫിസ് എന്നിവിടങ്ങളില് അക്കൗണ്ട് തുറക്കാം.
സ്ഥാനാർഥികള് ചെലവഴിക്കുന്ന തുകയുടെ വൗച്ചറുകള് നിര്ബന്ധമായി സൂക്ഷിക്കണം. മറ്റ് വ്യക്തികളില് നിന്നും സ്ഥാപനങ്ങളില് നിന്നും സ്ഥാനാർഥികള് സ്വീകരിക്കുന്ന പണത്തിന് രജിസ്റ്റര് സൂക്ഷിക്കണം. തെരഞ്ഞെടുപ്പ് കമീഷന് നിഷ്കര്ഷിച്ചിട്ടുള്ള തുകയില് അധികം പ്രചാരണത്തിനായി ചെലവഴിക്കാന് പാടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.