സ​മു​ദ്രാ​തി​ർ​ത്തി ലം​ഘി​ച്ച മ​ല​യാ​ളി മ​ത്സ്യ​ത്തൊ​ഴി​ലാ​ളി​ക​ള്‍ നാ​ട്ടി​ലെ​ത്തി

തി​രു​വ​ന​ന്ത​പു​രം സ്വ​ദേ​ശി​ക​ളാ​യ മൂ​ന്നു​പേ​ർ വ്യാ​ഴാ​ഴ്ച നാ​ട്ടി​ലെ​ത്തി

ദോ​ഹ: സ​മു​ദ്രാ​തി​ർ​ത്തി ലം​ഘി​ച്ച​തി​ന്​ ഖ​ത്ത​റി​ൽ പി​ടി​യി​ലാ​യ മ​ല​യാ​ളി മ​ത്സ്യ​ത്തൊ​ഴി​ലാ​ളി​ക​ളി​ൽ മൂ​ന്നു​പേ​ർ വ്യാ​ഴാ​ഴ്ച നാ​ട്ടി​ൽ തി​രി​ച്ചെ​ത്തി.

തി​രു​വ​ന​ന്ത​പു​രം പൂ​ന്തു​റ സ്വ​ദേ​ശി​ക​ളാ​യ വി​ജ​യ​ന്‍ ക്രി​സ്റ്റ​ഫ​ര്‍ (36), അ​രു​ണ്‍ (22), അ​ടി​മ​ല​ത്തു​റ സ്വ​ദേ​ശി മൈ​ക്ക​ല്‍ സെ​ല്‍വ​ദാ​സ​ന്‍ (34) എ​ന്നി​വ​രാ​ണ് വ്യാ​ഴാ​ഴ്​​ച വൈ​കീ​ട്ടോ​ടെ നാ​ട്ടി​ൽ മ​ട​ങ്ങി​യെ​ത്തി​യ​ത്. ക​ഴി​ഞ്ഞ ഡി​സം​ബ​ർ 19ന്​ ​മ​ത്സ്യ​ബ​ന്ധ​ന​ത്തി​നാ​യി ഇ​റാ​നി​ലെ​ത്തി​യ ആ​റം​ഗ സം​ഘ​മാ​ണ്​ ജൂ​ൺ മൂ​ന്നി​ന്​​ സ​മു​ദ്രാ​തി​ർ​ത്തി ലം​ഘി​ച്ച​തി​നെ തു​ട​ർ​ന്ന്​ ഖ​ത്ത​ർ തീ​ര​സം​​ര​ക്ഷ​ണ സേ​ന​യു​ടെ പി​ടി​യി​ലാ​യ​ത്.

തു​ട​ർ​ന്ന്​ നോ​ർ​ക്ക ഖ​ത്ത​റി​ലെ​യും ഇ​റാ​നി​ലെ​യും ഇ​ന്ത്യ​ൻ എം​ബ​സി​ക​ൾ വ​ഴി ന​ട​ത്തി​യ ഇ​ട​പെ​ട​ലി​നെ തു​ട​ർ​ന്ന്​​ മോ​ച​നം സാ​ധ്യ​മാ​വു​ക​യാ​യി​രു​ന്നു.

ആ​റം​ഗ സം​ഘ​ത്തി​ലെ ര​തീ​ഷ്, സെ​ല്‍വം എ​ന്നി​വ​ർ ര​ണ്ടു ദി​വ​സം മു​മ്പ്​ നാ​ട്ടി​ൽ മ​ട​ങ്ങി​യെ​ത്തി. കോ​വി​ഡ്​ പോ​സി​റ്റി​വാ​യി ഖ​ത്ത​റി​ൽ ക്വാ​റ​ന്‍റീ​നി​ൽ ക​ഴി​യു​ന്ന ബേ​സി​ൽ വൈ​കാ​തെ നാ​ട്ടി​ൽ മ​ട​ങ്ങി​യെ​ത്തു​മെ​ന്ന്​ നോ​ർ​ക്ക്​ റൂ​ട്ട്​ പി.​ആ​ർ.​ഒ നാ​ഫി മു​ഹ​മ്മ​ദ്​ അ​റി​യി​ച്ചു. ​ബു​ധ​നാ​ഴ്ച രാ​ത്രി ദോ​ഹ​യി​ൽ​നി​ന്ന് പു​റ​പ്പെ​ട്ട മൂ​ന്നു​പേ​ർ മും​ബൈ വ​ഴി​യാ​ണ്​ നാ​ട്ടി​ലേ​ക്ക്​ മ​ട​ങ്ങി​യ​ത്.

വ്യാ​ഴാ​ഴ്ച പു​ല​ർ​ച്ച മും​ബൈ​യി​ൽ നോ​ർ​ക്ക്​ ഡെ​വ​ല​പ്​​മെ​ന്‍റ്​ ഓ​ഫി​സ്​ ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ ഇ​വ​രെ സ്വീ​ക​രി​ച്ചു. ഉ​ച്ച ക​ഴി​ഞ്ഞു​ള്ള വി​മാ​ന​ത്തി​ൽ തി​രു​വ​ന​ന്ത​പു​ര​ത്ത്​ എ​ത്തി​യ ഇ​വ​രെ നോ​ർ​ക്ക ഉ​ദ്യോ​ഗ​സ്ഥ​ർ സ്വീ​ക​രി​ച്ചു. ഇ​റാ​ൻ സ​മു​ദ്രാ​തി​ർ​ത്തി​യി​ൽ മ​ത്സ്യ​ബ​ന്ധ​നം ന​ട​ത്ത​വേ ശ​ക്​​ത​മാ​യ കാ​റ്റി​ൽ​പെ​ട്ടാ​ണ്​ ഇ​വ​ർ സ​ഞ്ച​രി​ച്ച ബോ​ട്ട്​ സ​മു​ദ്രാ​തി​ർ​ത്തി ലം​ഘി​ച്ച്​ ഖ​ത്ത​റി​ന്‍റെ നി​യ​ന്ത്ര​ണ മേ​ഖ​ല​യി​ൽ പ്ര​വേ​ശി​ച്ച​ത്​.