പൂ​ഴി​ത്തോ​ട്-​പ​ടി​ഞ്ഞാ​റ​ത്ത​റ ബ​ദ​ൽ പാ​ത​യി​ൽ വീ​ണ്ടും പ്ര​തീ​ക്ഷ

ക​ൽ​പ​റ്റ: വ​യ​നാ​ട്ടി​ലേ​ക്കു​ള്ള ബ​ദ​ൽ​പാ​ത​യാ​യ പൂ​ഴി​ത്തോ​ട്-​പ​ടി​ഞ്ഞാ​റ​ത്ത​റ റോ​ഡ് സം​ബ​ന്ധി​ച്ച് വീ​ണ്ടും പ്ര​തീ​ക്ഷ​യു​യ​രു​ന്നു. പാ​ത​യു​ടെ കോ​ഴി​ക്കോ​ട് ജി​ല്ല​യി​ലെ ഭാ​ഗ​ങ്ങ​ളി​ൽ നി​ർ​ത്തി​വെ​ച്ച സ​ർ​വേ ന​ട​പ​ടി​ക​ൾ വ്യാ​ഴാ​ഴ്ച​യോ​ടെ തു​ട​ങ്ങി.

കോ​ഴി​ക്കോ​ട് ജി​ല്ല​യി​ലു​ൾ​പ്പെ​ട്ട മൂ​ന്ന​ര​കി​ലോ​മീ​റ്റ​റോ​ളം ദൂ​ര​ത്താ​ണ് വ​ന​മേ​ഖ​ല​യി​ൽ സ​ർ​വേ ന​ട​ത്തു​ന്ന​ത്. വ​യ​നാ​ട്ടി​ലേ​ത് നേ​ര​ത്തേ പൂ​ർ​ത്തി​യാ​ക്കി​യി​രു​ന്നു. വ​യ​നാ​ട് അ​തി​ർ​ത്തി​യി​ലെ ക​രി​ങ്ക​ണ്ണി​മു​ത​ൽ പ​ന​യ്ക്കം​ക​ട​വ് ഭാ​ഗം വ​രെ​യാ​ണ് ഇ​നി പൂ​ർ​ത്തി​യാ​ക്കാ​നു​ള്ള​ത്. വ​നം​വ​കു​പ്പി​ന്റെ അ​നു​മ​തി ല​ഭി​ക്കാ​നു​ള്ള കാ​ല​താ​മ​സ​മാ​ണ് സ​ർ​വേ നീ​ണ്ടു​പോ​യ​ത്.

ചു​ര​മി​ല്ലാ​തെ കോ​ഴി​ക്കോ​ടി​നെ​യും വ​യ​നാ​ടി​നെ​യും ബ​ന്ധി​പ്പി​ക്കു​ന്ന പ​ടി​ഞ്ഞാ​റ​ത്ത​റ-​പൂ​ഴി​ത്തോ​ട് റോ​ഡി​നാ​യു​ള്ള കാ​ത്തി​രി​പ്പി​ന് 30 വ​ര്‍ഷ​ത്തെ പ​ഴ​ക്ക​മു​ണ്ട്. പാ​ത​യു​ടെ 10.61 കി​ലോ​മീ​റ്റ​ർ കോ​ഴി​ക്കോ​ടും 18.22 കി​ലോ​മീ​റ്റ​ർ വ​യ​നാ​ട്ടി​ലു​മാ​ണ്.

വ​യ​നാ​ട്ടി​ലെ പ​ടി​ഞ്ഞാ​റ​ത്ത​റ ബാ​ണാ​സു​ര സാ​ഗ​ർ അ​ണ​ക്കെ​ട്ടി​ന​ടു​ത്തു​നി​ന്ന് തു​ട​ങ്ങി കോ​ഴി​ക്കോ​ട് ജി​ല്ല​യി​ലെ താ​മ​ര​ശ്ശേ​രി​ക്ക​ടു​ത്ത് പൂ​ഴി​ത്തോ​ട് അ​വ​സാ​നി​ക്കു​ന്ന പാ​ത​യാ​ണി​ത്. 1994 സെ​പ്റ്റം​ബ​ര്‍ 24ന് ​പ്ര​വൃ​ത്തി ഉ​ദ്ഘാ​ട​നം ന​ട​ത്തി​യ 27 കി​ലോ​മീ​റ്റ​ര്‍ ദൈ​ര്‍ഘ്യ​മു​ള്ള ബ​ദ​ല്‍പ്പാ​ത​യു​ടെ 75 ശ​ത​മാ​നം നി​ര്‍മാ​ണ​വും പൂ​ര്‍ത്തി​യാ​യി​ട്ടു​ണ്ട്. പി​ന്നീ​ട് നി​ല​ച്ചു.

12 കി​ലോ​മീ​റ്റ​ര്‍ വ​ന​ത്തി​ലൂ​ടെ ക​ട​ന്നു​പോ​വേ​ണ്ട​തി​നാ​ല്‍ ഏ​റ്റെ​ടു​ക്കേ​ണ്ട 52 ഏ​ക്ക​ര്‍ വ​ന​ഭൂ​മി​ക്കു​പ​ക​രം 104 ഏ​ക്ക​ര്‍ സ്ഥ​ലം വ​ന​വ​ത്ക​ര​ണ​ത്തി​ന് വി​ട്ടു​കൊ​ടു​ത്തി​രു​ന്നു. തു​ട​ര്‍ന്ന് പൂ​ഴി​ത്തോ​ടു​ഭാ​ഗ​ത്ത് വ​നാ​തി​ര്‍ത്തി​വ​രെ മൂ​ന്നു കി​ലോ​മീ​റ്റ​റും പ​ടി​ഞ്ഞാ​റ​ത്ത​റ കാ​പ്പി​ക്ക​ളം​വ​രെ എ​ട്ടു​കി​ലോ​മീ​റ്റ​റും പ്ര​വൃ​ത്തി ന​ട​ത്തി. എ​ന്നാ​ല്‍, വ​ന​ഭൂ​മി വി​ട്ടു​ന​ല്‍കു​ന്ന കാ​ര്യ​ത്തി​ല്‍ കേ​ന്ദ്ര വ​നം മ​ന്ത്രാ​ല​യം തീ​രു​മാ​ന​മെ​ടു​ക്കാ​തെ വ​ന്ന​തോ​ടെ പ​ദ്ധ​തി അ​നി​ശ്ചി​ത​ത്വ​ത്തി​ലാ​യി.

സെ​പ്റ്റം​ബ​ർ 18ന് ​സ​ർ​വേ​ക്കു​ള്ള സ​മ​യ​പ​രി​ധി അ​വ​സാ​നി​ക്കു​മെ​ന്ന് നേ​ര​ത്തെ അ​ധി​കൃ​ത​രെ അ​റി​യി​ച്ചി​രു​ന്നു. ഇ​തി​നാ​ൽ പെ​ട്ടെ​ന്ന് ത​ന്നെ സ​ർ​വേ പൂ​ർ​ത്തീ​ക​രി​ക്കാ​നു​ള്ള ന​ട​പ​ടി​ക​ളു​മാ​യി അ​ധി​കൃ​ത​ർ മു​ന്നോ​ട്ടു​പോ​കു​ന്ന​ത്. ജി.​പി.​എ​സ്, ഡ്രോ​ൺ എ​ന്നീ മാ​ർ​ഗ​ങ്ങ​ൾ ഉ​പ​യോ​ഗി​ച്ചാ​ണ് സ​ർ​വേ ന​ട​ത്തു​ക. അ​തി​നി​ടെ പ​ടി​ഞ്ഞാ​റ​ത്ത​റ​യി​ൽ ജ​ന​കീ​യ​ക​ർ​മ​സ​മി​തി സ​മ​രം തു​ട​രു​ക​യാ​ണ്.

താ​മ​ര​ശ്ശേ​രി ചു​രം പാ​ത​യി​ലെ ചി​പ്പി​ലി​ത്തോ​ട് ജ​ങ്ഷ​നി​ല്‍നി​ന്ന് തു​ട​ങ്ങി മ​രു​തി​ലാ​വു​വ​ഴി വ​യ​നാ​ട്ടി​ലെ വൈ​ത്തി​രി​ക്ക​ടു​ത്ത ത​ളി​പ്പു​ഴ ജ​ങ്ഷ​നി​ല്‍ എ​ത്തി​ച്ചേ​രു​ന്ന ചി​പ്പി​ലി​ത്തോ​ട്-​മ​രു​തി​ലാ​വ്-​ത​ളി​പ്പു​ഴ റോ​ഡാ​ണ് വ​യ​നാ​ട്ടി​ലേ​ക്കു​ള്ള മ​റ്റൊ​രു ബ​ദ​ൽ​പാ​ത. 14 കി​ലോ​മീ​റ്റ​ര്‍ ദൂ​ര​മു​ള്ള റോ​ഡ് ചെ​ല​വും ദൈ​ര്‍ഘ്യ​വും കു​റ​ഞ്ഞ​തു​മാ​ണ്.

കോ​ഴി​ക്കോ​ട് ജി​ല്ല​യി​ല്‍ 4.85 ഹെ​ക്ട​ര്‍ വ​ന​ഭൂ​മി​യും 21.1 ഹെ​ക്ട​ര്‍ സ്വ​കാ​ര്യ​ഭൂ​മി​യും വ​യ​നാ​ട് ജി​ല്ല​യി​ല്‍ ഇ.​എ​ഫ്.​എ​ലും റി​സ​ര്‍വ് വ​ന​ഭൂ​മി​യു​മു​ള്‍പ്പെ​ടെ 12 ഹെ​ക്ട​റു​മാ​ണ് ഇ​തി​നാ​യി ഏ​റ്റെ​ടു​ക്കേ​ണ്ട​ത്. ര​ണ്ടു​ത​വ​ണ സ​ര്‍വേ ന​ട​ത്തി മാ​സ്റ്റ​ര്‍പ്ലാ​ന്‍ ത‍‍യാ​റാ​ക്കി​യ​താ​ണെ​ങ്കി​ലും തു​ട​ര്‍ന​ട​പ​ടി​ക​ളു​ണ്ടാ​യി​ല്ല. നി​ല​വി​ല്‍ ദേ​ശീ​യ​പാ​താ​വി​ഭാ​ഗം സാ​ധ്യ​താ​പ​ഠ​നം ന​ട​ത്തു​ന്നു​വെ​ന്ന​താ​ണ് പ്ര​തീ​ക്ഷ.

സ​ർ​വേ​ക്കെ​തി​രെ വ​യ​നാ​ട് പ്ര​കൃ​തി സം​ര​ക്ഷ​ണ​സ​മി​തി

ക​ൽ​പ​റ്റ: പൂ​ഴി​ത്തോ​ട്-​പ​ടി​ഞ്ഞാ​റ​ത്ത​റ ബ​ദ​ൽ പാ​ത​യു​ടെ സ​ർ​വേ ന​ട​പ​ടി​ക​ൾ​ക്കെ​തി​രെ വ​യ​നാ​ട് പ്ര​കൃ​തി സം​ര​ക്ഷ​ണ​സ​മി​തി രം​ഗ​ത്ത്. പാ​രി​സ്ഥി​തി​ക ദു​ർ​ബ​ല പ്ര​ദേ​ശ​ത്തു​കൂ​ടി​യു​ള്ള സ​ർ​വേ വ​നം നി​യ​മ​ങ്ങ​ൾ​ക്കെ​തി​രെ​യാ​ണെ​ന്നും അ​ന​ധി​കൃ​ത​മാ​ണെ​ന്നും ആ​രോ​പി​ച്ച് സ​മി​തി പ്ര​സി​ഡ​ന്റ് എ​ൻ. ബാ​ദു​ഷ കേ​ര​ള ചീ​ഫ് വൈ​ൽ​ഡ് ലൈ​ഫ് വാ​ർ​ഡ​ൻ, പി.​സി.​സി.​എ​ഫ് (വി​ജി​ല​ൻ​സ്), കേ​ന്ദ്ര പ​രി​സ്ഥി​തി-​വ​നം-​കാ​ലാ​വ​സ്ഥ മ​ന്ത്രാ​ല​യം സെ​ക്ര​ട്ട​റി​ക്ക് തു​ട​ങ്ങി​യ​വ​ർ​ക്കാ​ണ് പ​രാ​തി​ന​ൽ​കി​യ​ത്. പ്ര​ഖ്യാ​പി​ത മ​ല​ബാ​ർ വ​ന്യ​ജീ​വി സ​​ങ്കേ​ത​ത്തി​നു​ള്ളി​ലൂ​ടെ​യാ​ണ് പാ​ത ക​ട​ന്നു​പോ​കു​ന്ന​ത്. വ​ന​പ്ര​ദേ​ശ​ത്തെ സ​ർ​വേ അ​ന​ധി​കൃ​ത ഇ​ട​പെ​ട​ലാ​ണെ​ന്നും പ​രാ​തി​യി​ൽ പ​റ​യു​ന്നു.