മന്ത്രി വിളിച്ചിട്ടും ഫോണെടുത്തില്ല; കൺട്രോൾ റൂമിലെ ഒമ്പതുപേർക്ക്​ സ്ഥലംമാറ്റം

തി​രു​വ​ന​ന്ത​പു​രം: കെ.​എ​സ്.​ആ​ർ.​ടി.​സി​യു​ടെ ക​ൺ​ട്രോ​ൾ റൂ​മി​ലേ​ക്ക്​ ഗ​താ​ഗ​ത മ​ന്ത്രി വി​ളി​ച്ചി​ട്ടും ഫോ​​ണെ​ടു​ത്തി​ല്ല. ഒ​മ്പ​ത്​ ക​ണ്ട​ക്ട​ർ​മാ​രെ ഉടനെ സ്ഥ​ലം​മാ​റ്റി. തി​ങ്ക​ളാ​ഴ്‌​ച വൈ​കീ​ട്ടാ​ണ്‌ ചീ​ഫ്‌ ഓ​ഫി​സി​ലെ ക​ൺ​ട്രോ​ൾ റൂ​മി​ലേ​ക്ക്‌ ‘യാ​ത്ര​ക്കാ​ര​നാ​യി’ മ​ന്ത്രി ഗ​ണേ​ഷ്​ കു​മാ​ർ പ​രാ​തി പ​റ​യാ​ൻ വി​ളി​ച്ച​ത്. കെ.​എ​സ്.​ആ​ർ.​ടി.​സി​യു​മാ​യി ബ​ന്ധ​പ്പെ​ട്ട് സി.​എം.​ഡി​യ​ട​ക്കം പ​​ങ്കെ​ടു​ക്കു​ന്ന ഉ​ന്ന​ത​ത​ല യോ​ഗ​ത്തി​നി​ടെ​യാ​യി​രു​ന്നു മ​ന്ത്രി​യു​ടെ ഫോ​ൺ വി​ളി. പ്ര​തി​ക​ര​ണ​മി​ല്ലാ​ഞ്ഞ​തോ​ടെ പ​രാ​തി​ക​ൾ അ​യ​ക്കു​ന്ന​തി​ന്​ ന​ൽ​കി​യ ക​ൺ​​ട്രോ​ൾ റൂം ​വാ​ട്​​സ്​​ആ​പ്​ ന​മ്പ​റി​ലേ​ക്ക്​ ‘താ​ൻ ഗ​ണേ​ഷ്​ കു​മാ​റാ​ണ്, ഫോ​ൺ എ​ടു​ക്ക​ണം’ എ​ന്നാ​വ​ശ്യ​പ്പെ​ട്ട്​ ​സ​​​​ന്ദേ​ശ​മ​യ​ച്ചു. അ​തി​നും മ​റു​പ​ടി​യു​ണ്ടാ​യി​ല്ല.

മെ​സേ​ജ്​ ക​ണ്ടു എ​ന്ന​ത്​ സ്ഥി​രീ​ക​രി​ക്കു​ന്ന നീ​ല ടി​ക്ക്​​ പോ​ലും വാ​ട്​​സാ​പ്പി​ൽ തെ​ളി​ഞ്ഞി​ല്ല. ഈ ​സാ​ഹ​ച​ര്യ​ത്തി​ലാ​ണ്​ വി​ഷ​യ​ത്തെ​ക്കു​റി​ച്ച്​ അ​ന്വേ​ഷി​ക്കാ​നും നി​രു​ത്ത​ര​വാ​ദ​പ​ര​മാ​യി പെ​രു​മാ​റി​യ​തി​ന്‌ ഓ​ഫി​സി​ലു​ണ്ടാ​യി​രു​ന്ന ജീ​വ​ന​ക്കാ​ർ​ക്കെ​തി​രെ ന​ട​പ​ടി​യെ​ടു​ക്കാ​നും മ​ന്ത്രി നി​ർ​ദേ​ശി​ച്ച​ത്. പി​ന്നാ​ലെ രാ​ത്രി​യോ​ടെ ഉ​ത്ത​ര​വും ഇ​റ​ങ്ങി. ന​ട​പ​ടി നേ​രി​ട്ട​വ​രെ​ല്ലാം ക​ണ്ട​ക്ട​ർ ത​സ്‌​തി​ക​യി​ലു​ള്ള​വ​രാ​ണ്‌. കാ​സ​ർ​കോ​ട്, തി​രു​വ​ന​ന്ത​പു​രം സി​റ്റി, വി​കാ​സ്​​ഭ​വ​ൻ, മൂ​വാ​റ്റു​പു​ഴ, ആ​റ്റി​ങ്ങ​ൽ, തി​രു​വ​ല്ല, ച​ങ്ങ​നാ​ശ്ശേ​രി, വെ​ള്ള​നാ​ട്​ ഡി​പ്പോ​ക​ളി​ലേ​ക്കാ​ണ്​ സ്ഥ​ലം മാ​റ്റം. മൂ​ന്ന്‌ ഷി​ഫ്‌​റ്റു​ക​ളാ​ണ്‌ ക​ൺ​ട്രോ​ൾ റൂ​മി​ലു​ള്ള​ത്‌.

ഇ​തി​ൽ 12 ജീ​വ​ന​ക്കാ​ർ ജോ​ലി​ചെ​യ്യു​ന്നു​ണ്ട്‌. സ്ഥ​ലം​മാ​റ്റി​യ​വ​ർ​ക്ക്‌ പ​ക​രം ആ​യാ​സ​മു​ള്ള ചെ​യ്യാ​ൻ ക​ഴി​യാ​ത്ത ജീ​വ​ന​ക്കാ​രെ നി​യോ​ഗി​ക്കാ​നാ​ണ്​ തീ​രു​മാ​നം. ക​ൺ​ട്രോ​ൾ റൂ​മി​ലേ​ക്ക്​ മാ​​ത്ര​മ​ല്ല, ഡി​പ്പോ​യി​ലേ​ക്കും വി​ളി​ച്ചാ​ലും ഫോ​ണെ​ടു​ക്കാ​റി​ല്ലെ​ന്ന പ​രാ​തി ഗ​താ​ഗ​ത​മ​ന്ത്രി​യു​ടെ ഓ​ഫി​സി​ൽ വ്യാ​പ​ക​മാ​യി ല​ഭി​ക്കു​ന്നു​ണ്ട്.