തിരുവനന്തപുരം: മയക്കുമരുന്ന് മാഫിയക്കെതിരെ സംസ്ഥാന പൊലീസ് നടത്തിയ ‘ഓപറേഷൻ ഡി-ഹണ്ട്’ സ്പെഷൽ ഡ്രൈവിൽ 41 പേർ അറസ്റ്റിലായി.
ശനിയാഴ്ച നടന്ന പരിശോധനയിൽ മയക്കുമരുന്ന് വിൽപനയുമായി ബന്ധമുണ്ടെന്ന് സംശയിക്കുന്ന 1339 പേരെ നിരീക്ഷിച്ചു. നിരോധിത ലഹരിവസ്തുക്കൾ കൈവശം വെച്ചതിന് 37 കേസ് രജിസ്റ്റർ ചെയ്തു. ഏകദേശം 31 കിലോ കഞ്ചാവ്, എം.ഡി.എം.എ, കഞ്ചാവ് ബീഡിഎന്നിവ പിടിച്ചെടുത്തു.
ക്രമസമാധാന വിഭാഗം എ.ഡി.ജി.പിയുടെ നേരിട്ടുള്ള മേൽനോട്ടത്തിലാണ് പരിശോധന ഏകോപിപ്പിക്കുന്നത്. മയക്കുമരുന്ന് സംബന്ധിച്ച വിവരങ്ങൾ പൊതുജനങ്ങൾക്ക് 9497927797 എന്ന നമ്പറിലൂടെ കൈമാറാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.