യാത്രക്കാർ ആശങ്കയുടെ ത്രിശങ്കുവിൽ

കല്ലടിക്കോട്: കരിമ്പ ഗ്രാമപഞ്ചായത്തിലെ വഴിയിട വിശ്രമകേന്ദ്രം അടഞ്ഞുകിടക്കുന്നതിനാൽ ദീർഘദൂര യാത്രക്കാരും മറ്റും പ്രാഥമികാവശ്യങ്ങൾ നിറവേറ്റാൻ അടിസ്ഥാന സൗകര്യങ്ങളില്ലാതെ വലയുന്നു. കല്ലടിക്കോട് ടി.ബി. സെൻററിൽ ആറ് വർഷം മുമ്പ് ധിറുതി പിടിച്ച് ഉദ്ഘാടനം നിർവഹിച്ച വഴിയിട വിശ്രമകേന്ദ്രത്തിനാണ് ഈ ദുരവസ്ഥ.

ബ്ലോക്ക് പഞ്ചായത്ത് ഫണ്ടിൽനിന്ന് അനുവദിച്ച 10 ലക്ഷം രൂപ ഉപയോഗിച്ച് നിർമിച്ച ടേക്ക് എ ബ്രേക്ക് കെട്ടിടമാണ് തുറന്ന് കൊടുക്കാത്തത്. ആദ്യം കെട്ടിടം പൂർണമായും പ്രവൃത്തികൾ നടത്തിയിരുന്നില്ല. വൈദ്യുതി കണക്ഷനും വെള്ള സൗകര്യത്തിനും പിന്നീട് വർഷങ്ങളുടെ കാത്തിരിപ്പ്. വനിതകൾക്കും പുരുഷന്മാർക്കും പ്രത്യേകം കുളിമുറി, ശുചിമുറി, ക്ലോക്ക് റൂം എന്നി സൗകര്യങ്ങളാണ് വിശ്രമകേന്ദ്രത്തിൽ ഒരുക്കിയിട്ടുള്ളത്. വെള്ളം ലഭ്യത ഉറപ്പ് വരുത്തിയിട്ടും വഴിയിട വിശ്രമകേന്ദ്രം നടത്തിപ്പിന് ആളെ കണ്ടെത്താനുള്ള ശ്രമങ്ങൾ പ്രാവർത്തികമായില്ല.

കെട്ടിടം ഉപയോഗിക്കാതെയായതോടെ വഴിയിട വിശ്രമകേന്ദ്രം സ്ഥിതി ചെയ്യുന്ന വളപ്പ് കാട് കയറിയതും മാലിന്യ ചാക്കുകളുടെ സൂക്ഷിപ്പ് കേന്ദ്രമായതും വിവിധ രാഷ്ട്രീയ പാർട്ടികളുടെ പ്രതിഷേധത്തിനിടയാക്കിയിരുന്നു. കരിമ്പ ഗ്രാമപഞ്ചായത്തിലെയും സമീപ പഞ്ചായത്തുകളിലെ ഉൾനാടൻ ഗ്രാമങ്ങളിലെയും നിരവധി യാത്രക്കാർ വിദൂര ദിക്കുകളിലേക്ക് പോകുന്നതിന് കല്ലടിക്കോട്ട് ടി.ബി സെന്ററിനെയാണ് നിത്യേന ആശ്രയിക്കുന്നത്.

പാലക്കാട് -കോഴിക്കോട് ദേശീയപാതക്ക് സമീപം ടി.ബി കേന്ദ്രീകരിച്ചും അല്ലാതെയും ബസുകളിലും സ്വകാര്യ വാഹനങ്ങളിലും യാത്ര ചെയ്യുന്നവർക്ക് വഴിയിട വിശ്രമകേന്ദ്രം ഉപകാരപ്രദമാവുന്ന വിധത്തിലാണ് നിർമിച്ചത്. കഴിഞ്ഞ പഞ്ചായത്ത് ഭരണസമിതിയുടെ കാലത്ത് മണ്ണാർക്കാട് ബ്ലോക്ക് പഞ്ചായത്ത് വഴിയിട വിശ്രമകേന്ദ്രം കരിമ്പ ഗ്രാമപഞ്ചായത്ത് ഭരണസമിതിക്ക് കൈമാറി കത്ത് അയച്ചിരുന്നെങ്കിലും കരിമ്പ പഞ്ചായത്ത് മറുപടി നൽകിയിരുന്നില്ല.

ടേക്ക് എ ബ്രേക്ക് കെട്ടിടം കരിമ്പ പഞ്ചായത്തിന് കൈമാറിയ കത്ത് വീണ്ടും നൽകിയതായി ബ്ലോക്ക് പഞ്ചായത്ത് അംഗം നവാസ് മുഹമ്മദ് പറഞ്ഞു. പുതിയ കരിമ്പ പഞ്ചായത്ത് ഭരണസമിതി വഴിയിട വിശ്രമകേന്ദ്രം ജനങ്ങൾക്ക് തുറന്ന് കൊടുക്കണമെന്നാണ് ജനകീയ ആവശ്യം.

കോ​ട്ടാ​യി: നാ​ൽ​പ​തി​ൽ​പ​രം ബ​സ് സ​ർ​വി​സ് ന​ട​ത്തു​ന്ന, ദി​നേ​ന ആ​യി​ര​ക്ക​ണ​ക്കി​ന് യാ​ത്ര​ക്കാ​ർ എ​ത്തു​ന്ന കോ​ട്ടാ​യി സെൻറി​ൽ പൊ​തു ശൗ​ചാ​ല​യ സൗ​ക​ര്യ​മി​ല്ലാ​ത്ത​ത് യാ​ത്ര​ക്കാ​രെ വ​ല​ക്കു​ന്നു. നി​ർ​മി​ച്ച പൊ​തു ശൗ​ചാ​ല​യ​മാ​വ​ട്ടെ വ​ർ​ഷ​ങ്ങ​ൾ ക​ഴി​ഞ്ഞി​ട്ടും തു​റ​ന്നു​കൊ​ടു​ത്തി​ട്ടു​മി​ല്ല. പൊ​തു ശൗ​ചാ​ല​യം തു​റ​ക്കാ​ത്ത​തി​നാ​ൽ കോ​ട്ടാ​യി സെ​ന്റ​റി​ൽ യാ​ത്ര​ക്കാ​രും മ​റ്റും ‘ശ​ങ്ക’ തീ​ർ​ക്കു​ന്ന​ത് പാ​ത​യോ​ര​ത്തും പ​രി​സ​ര​ത്തെ വ​യോ​ജ​ന പാ​ർ​ക്കി​ലു​മാ​ണ്. ഇ​തു​കാ​ര​ണം ദു​ർ​ഗ​ന്ധ​ത്താ​ൽ വ​ല​ഞ്ഞ് വ്യാ​പാ​രി​ക​ളും നാ​ട്ടു​കാ​രും ദു​രി​തം പേ​റു​ക​യാ​ണ്.

കോ​ട്ടാ​യി പ​ഞ്ചാ​യ​ത്തി​ന്റെ 2023 -24 വ​ർ​ഷ​ത്തെ പ​ദ്ധ​തി​യി​ൽ ഉ​ൾ​പ്പെ​ടു​ത്തി വ​യോ​ജ​ന പാ​ർ​ക്കി​നോ​ട് ചേ​ർ​ന്ന് പ്ര​ധാ​ന പാ​ത​യോ​ര​ത്ത് മ​ല​മ്പു​ഴ ക​നാ​ൽ പു​റ​മ്പോ​ക്കി​ൽ ല​ക്ഷ​ങ്ങ​ൾ ചെ​ല​വ​ഴി​ച്ച് പൊ​തു ശൗ​ചാ​ല​യം നി​ർ​മി​ച്ച് ര​ണ്ടു വ​ർ​ഷം ക​ഴി​ഞ്ഞി​ട്ടും തു​റ​ന്നു​കൊ​ടു​ക്കാ​ത്ത​താ​ണ് എ​ല്ലാ​വ​ർ​ക്കും ദു​രി​ത​മാ​യ​ത്. സെ​ന്റ​റി​ൽ എ​ത്തു​ന്ന യാ​ത്ര​ക്കാ​ർ ആ​വ​ശ്യ​ങ്ങ​ൾ നി​റ​വേ​റ്റു​ന്ന​ത് വ്യാ​പാ​ര സ്ഥാ​പ​ന​ങ്ങ​ളു​ടെ മ​റ​പ​റ്റി​യും പാ​ത​യോ​ര​ത്തു​മാ​ണ്. സ്ത്രീ ​യാ​ത്ര​ക്കാ​രാ​ണ് ഏ​റെ വി​ഷ​മി​ക്കു​ന്ന​ത്. ശൗ​ചാ​ല​യം ഉ​ട​ൻ തു​റ​ന്നു​കൊ​ടു​ത്ത് യാ​ത്ര​ക്കാ​രു​ടെ ക്ലേ​ശം പ​രി​ഹ​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.