കോട്ടയം: ചിങ്ങവനത്ത് വീട്ടമ്മയെ ആക്രമിച്ച കേസിൽ മധ്യവയസ്കനായ ബന്ധുവിനെ പൊലീസ് അറസ്റ്റ് ചെയ്തു. നാട്ടകം പോളച്ചിറയിൽ എഴുപതിൽചിറ വീട്ടിൽ പ്രസാദിനെയാണ് (67) ചിങ്ങവനം പൊലീസ് അറസ്റ്റ് ചെയ്തത്. ഏപ്രിൽ 21നായിരുന്നു കേസിനാസ്പദമായ സംഭവം.
വീട്ടമ്മയുടെ അമ്മയുടെ പേരിലുള്ള സ്ഥലത്ത് മതിൽ കെട്ടാൻ എത്തിയ വീട്ടമ്മയെയും മകളെയും സമീപത്ത് താമസിക്കുന്ന ബന്ധുകൂടിയായ പ്രസാദും കുടുംബാംഗങ്ങളും ചേർന്ന് ചീത്തവിളിക്കുകയും മർദിക്കുകയുമായിരുന്നു. ഇവർ തമ്മിൽ സ്വത്തിന്റെ പേരിൽ കേസ് നിലനിന്നിരുന്നു.
ഇതിൽ കോടതിവിധി വീട്ടമ്മയുടെ അമ്മക്ക് അനുകൂലമായി വരുകയും തുടർന്ന് അമ്മയുടെ പേരിലുള്ള സ്ഥലത്ത് മതിൽ കെട്ടാനായി എത്തിയതുമായിരുന്നു. ഇവരെ മധ്യവയസ്കനും കുടുംബാംഗങ്ങളും ചേർന്ന് ആക്രമിച്ച് പരിക്കേൽപിക്കുകയായിരുന്നു. മറ്റു പ്രതികൾക്ക് വേണ്ടിയുള്ള തിരച്ചിൽ ശക്തമാക്കിയതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.