ഉറങ്ങാതെ കാത്തിരുന്ന്​ ജന്മനാട്

കോ​ട്ട​യം: സി.​പി.​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ന്‍റെ അ​വ​സാ​ന വ​ര​വി​നാ​യി ഉ​റ​ങ്ങാ​തെ കാ​ത്തി​രു​ന്ന്​ ജ​ന്മ​നാ​ട്. ശ​നി​യാ​ഴ്ച ഉ​ച്ച​ക്ക്​ 2.30ന്​ ​തി​രു​വ​ന​ന്ത​പു​ര​ത്തു​നി​ന്ന്​ പു​റ​പ്പെ​ട്ട മൃ​ത​ദേ​ഹ​വും വ​ഹി​ച്ചു​ള്ള വി​ലാ​പ​യാ​ത്ര പ്ര​തീ​ക്ഷി​ച്ച​തി​ലും ഏ​റെ വൈ​കിയാ​ണ്​ കോ​ട്ട​യ​ത്തെ​ത്തി​യ​ത്. രാത്രി 12നാണ്​ ജി​ല്ല അ​തി​ർ​ത്തി​യാ​യ ച​ങ്ങ​നാ​ശ്ശേ​രി​യി​ൽ എത്തിയത്​. മു​ദ്രാ​വാ​ക്യം വി​ളി​ക​ളോ​ടെ വ​ൻ ജ​നാ​വ​ലി​യാ​ണ്​ കാ​ത്തു​നി​ന്ന​ത്. പ്രി​യ​നേ​താ​വി​ന്​ അ​ന്തി​മോ​പ​ചാ​ര​മ​ർ​പ്പി​ക്കാ​ൻ ഇ​വി​ടെ അ​ൽ​പ​നേ​രം സൗ​ക​ര്യ​മൊ​രു​ക്കി​യി​രു​ന്നു. തു​ട​ർ​ന്ന്​ ജി​ല്ല​യി​ലെ പ്ര​വ​ർ​ത്ത​ക​രും നേ​താ​ക്ക​ളും വി​ലാ​പ​യാ​ത്ര​യെ അ​നു​ഗ​മി​ച്ചു. ചി​ങ്ങ​വ​ന​ത്തും കു​റി​ച്ചി​യി​ലും നാ​ട്ട​ക​ത്തും തി​രു​ന​ക്ക​ര​യി​ലും നി​ര​വ​ധി പ്ര​വ​ർ​ത്ത​ക​രും ജ​ന​ങ്ങ​ളും അ​ന്ത്യാ​ഞ്ജ​ലി അ​ർ​പ്പി​ച്ചു.

സി.​പി.​ഐ ജി​ല്ല ക​മ്മി​റ്റി ഓ​ഫി​സി​ൽ ജി​ല്ല സെ​ക്ര​ട്ട​റി വി.​ബി. ബി​നു​വി​ന്‍റെ നേ​തൃ​ത്വ​ത്തി​ൽ മൃ​ത​ദേ​ഹം ഏ​റ്റു​വാ​ങ്ങി പ്ര​ത്യേ​കം ത​യാ​റാ​ക്കി​യ പ​ന്ത​ലി​ലെ​ത്തി​ച്ചു. നേ​താ​ക്ക​ളാ​യ ഡി. ​രാ​ജ, കെ.​ഇ. ഇ​സ്മാ​യി​ൽ തു​ട​ങ്ങി​യ സി.​പി.​ഐ നേ​താ​ക്ക​ളും അ​ഡ്വ. അ​നി​ൽ​കു​മാ​ർ, എ.​വി. റ​സ​ൽ തു​ട​ങ്ങി ജി​ല്ല​യി​ലെ സി.​പി.​എം നേ​താ​ക്ക​ളും മു​ൻ മ​​ന്ത്രി കെ.​ടി. ജ​ലീ​ലും അ​ന്തി​മോ​പ​ചാ​ര​മ​ർ​പ്പി​ച്ചു.

ര​ണ്ടു​മ​ണി​ക്കൂ​റോ​ളം ഇ​വി​ടെ പൊ​തു​ദ​ർ​ശ​ന​ത്തി​നു വെ​ച്ച​ശേ​ഷ​മാ​ണ്​ വാ​ഴൂ​രി​ലെ വ​സ​തി​യി​ലേ​ക്ക്​ പു​റ​പ്പെ​ട്ട​ത്. വി​ലാ​പ​യാ​ത്ര​യി​ൽ ജി​ല്ല​യി​ലെ നൂ​റു​ക​ണ​ക്കി​ന് പാ​ർ​ട്ടി പ്ര​വ​ർ​ത്ത​ക​ർ പ​ങ്കു​ചേ​ർ​ന്നു. വീ​ട്ടു​വ​ള​പ്പി​ൽ ഞാ​യ​റാ​ഴ്ച രാ​വി​ലെ 11നാ​ണ്​ സം​സ്​​കാ​രം.

ഗതാഗത നിയന്ത്രണം

കോ​ട്ട​യം: സി.​പി.​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ന്റെ സം​സ്കാ​ര​ത്തോ​ട​നു​ബ​ന്ധി​ച്ച് ഇ​ള​പ്പു​ങ്ക​ൽ-​കാ​നം റോ​ഡി​ൽ പൊ​ലീ​സ് ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തി.

സം​സ്കാ​രം ക​ഴി​യു​ന്ന​തു​വ​രെ കാ​നം ച​ന്ത​ക്ക​വ​ല ഭാ​ഗ​ത്തു​നി​ന്ന്​ ഇ​ള​പ്പു​ങ്ക​ൽ ഭാ​ഗ​ത്തേ​ക്ക് വാ​ഹ​ന ഗ​താ​ഗ​തം നി​രോ​ധി​ച്ചു.

• കോ​ട്ട​യം ഭാ​ഗ​ത്തു​നി​ന്ന്​ വ​രു​ന്ന​വ​ർ കോ​ട്ട​യം-​കു​മ​ളി റോ​ഡി​ലൂ​ടെ പാ​മ്പാ​ടി-​പു​ളി​ക്ക​ൽ​ക​വ​ല റോ​ഡു​വ​ഴി ഇ​ള​പ്പു​ങ്ക​ൽ വ​ന്ന് (ഗ​വ. പ്ര​സ്) വ​ല​ത്തോ​ട്ട് തി​രി​ഞ്ഞ് കാ​നം റോ​ഡി​ലൂ​ടെ പോ​ക​ണം.
• ച​ങ്ങ​നാ​ശ്ശേ​രി ഭാ​ഗ​ത്തു​നി​ന്ന്​ വ​രു​ന്ന​വ​ർ ക​റു​ക​ച്ചാ​ൽ-​ക​ങ്ങ​ഴ-​പു​ളി​ക്ക​ൽ​ക​വ​ല റോ​ഡു​വ​ഴി ഇ​ള​പ്പു​ങ്ക​ൽ വ​ന്ന് (ഗ​വ. പ്ര​സ്) വ​ല​ത്തോ​ട്ട് തി​രി​ഞ്ഞ് കാ​നം റോ​ഡു​വ​ഴി പോ​ക​ണം.
• കാ​ഞ്ഞി​ര​പ്പ​ള്ളി ഭാ​ഗ​ത്തു​നി​ന്ന്​ വ​രു​ന്ന​വ​ർ പൊ​ൻ​കു​ന്നം-​കൊ​ടു​ങ്ങൂ​ർ റോ​ഡു​വ​ഴി​ ഇ​ള​പ്പു​ങ്ക​ൽ വ​ന്ന് (ഗ​വ. പ്ര​സ്) ഇ​ട​ത്തോ​ട്ട് തി​രി​ഞ്ഞ് കാ​നം റോ​ഡ്​ വ​ഴി പോ​ക​ണം.
• മ​ണി​മ​ല ഭാ​ഗ​ത്തു​നി​ന്നു വ​രു​ന്ന​വ​ർ ചാ​മം​പ​താ​ൽ-​കൊ​ടു​ങ്ങൂ​ർ റോ​ഡു​വ​ഴി ഇ​ള​പ്പു​ങ്ക​ൽ വ​ന്ന് (ഗ​വ. പ്ര​സ്) ഇ​ട​ത്തോ​ട്ട് തി​രി​ഞ്ഞ് കാ​നം റോ​ഡ്​ വ​ഴി പോ​ക​ണം.
• സം​സ്കാ​ര ച​ട​ങ്ങി​ൽ പ​ങ്കെ​ടു​ക്കാ​ൻ എ​ത്തു​ന്ന​വ​ർ​ക്ക് സി.​എം.​എ​സ് പ​ള്ളി​യു​ടെ​യും സി.​എം.​എ​സ് സ്കൂ​ളി​ന്റെ​യും ഗ്രൗ​ണ്ടി​ൽ വാ​ഹ​നം പാ​ർ​ക്ക് ചെ​യ്യാ​നു​ള്ള സൗ​ക​ര്യം ഏ​ർ​പ്പെ​ടു​ത്തി​യി​ട്ടു​ണ്ട്. തി​രി​കെ വാ​ഹ​ന​ങ്ങ​ൾ കാ​ഞ്ഞി​ര​പ്പാ​റ പു​ളി​ക്ക​ൽ ക​വ​ല വ​ഴി പോ​ക​ണം.