മുത്തോലി: ജില്ല പഞ്ചായത്ത് അംഗം ജോസ്മോൻ മുണ്ടക്കൽ നേതൃത്വം നൽകുന്ന സ്നേഹദീപം ചാരിറ്റബിൾ സൊസൈറ്റിയുടെ ഒമ്പതാം വീടിൻെറ ശിലാസ്ഥാപനം മുത്തോലി പഞ്ചായത്തിലെ പടിഞ്ഞാറ്റിൻ കരയിൽ ഞായറാഴ്ച രാവിലെ ഒമ്പതിന് നടക്കും. ബ്രില്യന്റ് സ്റ്റഡി സെന്റർ ഡയറക്ടർ സ്റ്റീഫൻ ജോസഫ് മുഖ്യാതിഥി ആയിരിക്കും. മൂന്ന് കിടപ്പുമുറി, രണ്ട് ബാത്ത്റൂം, ഡൈനിങ് ഹാൾ, സിറ്റ്ഔട്ട്, അടുക്കള ഉൾപ്പെടെ 550 ചതുരശ്ര അടി വിസ്തീർണമുള്ള വീട് സർക്കാർ സഹായം ലഭിക്കാൻ സാധ്യതയില്ലാത്തവർക്ക് സുമനസ്സുകളുടെ സഹകരണത്തോടെയാണ് നിർമിച്ചുനൽകുന്നത്. മുത്തോലി പഞ്ചായത്തിലെ രണ്ടാമത്തെ വീടാണ് പടിഞ്ഞാറ്റിൻകരയിൽ നിർമിക്കുന്നതെന്ന് സൊസൈറ്റി പ്രസിഡന്റ് സന്തോഷ് കാവുകാട്ട്, സെക്രട്ടറി കെ.സി. മാത്യു, ട്രഷറർ സോജൻ വാരപ്പറമ്പിൽ എന്നിവർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.