രാമനവമിയിൽ രാംലല്ലക്ക് ‘സൂര്യതിലകം’

അ​യോ​ധ്യ: പ്രാ​ണ​പ്ര​തി​ഷ്ഠ​ക്ക് ശേ​ഷ​മു​ള്ള ആ​ദ്യ രാ​മ​ന​വ​മി ദി​ന​ത്തി​ൽ അ​യോ​ധ്യ രാ​മ​ക്ഷേ​​ത്ര​ത്തി​ലെ വി​ഗ്ര​ഹ​മാ​യ രാം​ല​ല്ല​ക്ക് ‘സൂ​ര്യ​തി​ല​കം’ ചാ​ർ​ത്തി. ക​ണ്ണാ​ടി​ക​ളും ലെ​ൻ​സു​ക​ളു​മു​പ​യോ​ഗി​ച്ച് സൂ​ര്യ​ര​ശ്മി​ക​ൾ രാം​ല​ല്ല​യു​ടെ നെ​റ്റി​യി​ൽ നേ​രി​ട്ട് നാ​ലു മി​നി​റ്റ് നേ​രം പ്ര​കാ​ശി​പ്പി​ക്കു​ന്ന​താ​ണ് സൂ​ര്യ​തി​ല​കം ച​ട​ങ്ങ്. തി​ര​ക്ക് ഒ​ഴി​വാ​ക്കാ​ൻ ക്ഷേ​ത്ര​ത്തി​ൽ പ്ര​​വേ​ശ​നം ത​ട​ഞ്ഞി​രു​ന്നു. പു​റ​ത്ത് ഭ​ക്ത​ർ ത​ടി​ച്ചു​കൂ​ടി.

ബു​ധ​നാ​ഴ്ച ഉ​ച്ച​ക്ക് 12നാ​യി​രു​ന്നു ച​ട​ങ്ങ്. റൂ​ർ​ക്കി​യി​ലെ കേ​ന്ദ്ര ​കെ​ട്ടി​ട ഗ​വേ​ഷ​ണ സ്ഥാ​പ​ന​ത്തി​ലെ ചീ​ഫ് സ​യ​ന്റി​സ്റ്റ് ഡോ. ​ഡി.​പി. ക​നു​ങ്കോ​യു​ടെ നേ​തൃ​ത്വ​ത്തി​ലാ​യി​രു​ന്നു സൂ​ര്യ​പ്ര​കാ​ശം പ​തി​പ്പി​ച്ച​ത്. എ​ല്ലാ ശ്രീ​രാ​മ​ന​വ​മി ദി​ന​ത്തി​ലും സൂ​ര്യ​തി​ല​കം ന​ട​ത്തു​മെ​ന്ന് മ​റ്റൊ​രു ശാ​സ്ത്ര​ജ്ഞ​നാ​യ ഡോ. ​എ​സ്.​കെ. പാ​ണി​ഗ്ര​ഹി പ​റ​ഞ്ഞു.

ക്ഷേ​ത്ര​ത്തി​ന്റെ താ​ഴ​ത്തെ നി​ല​യി​ൽ ര​ണ്ട് ക​ണ്ണാ​ടി​ക​ളും ഒ​രു ലെ​ൻ​സും സ്ഥാ​പി​ച്ചി​രു​ന്നു. മൂ​ന്നാം​നി​ല​യി​ലെ ക​ണ്ണാ​ടി​യി​ൽ​നി​ന്ന് സൂ​ര്യ​പ്ര​കാ​ശം താ​ഴ​ത്തെ നി​ല​യി​ലെ ക​ണ്ണാ​ടി​യി​ലും ലെ​ൻ​സി​ലും പ​തി​ക്കും. ഇ​വ പ്ര​തി​ഫ​ലി​പ്പി​ക്കു​ന്ന കി​ര​ണ​ങ്ങ​ളാ​ണ് രാം​ല​ല്ല വി​ഗ്ര​ഹ​ത്തി​ന്റെ നെ​റ്റി​യി​ൽ സൂ​ര്യ​തി​ല​ക​മാ​യി മാ​റു​ന്ന​ത്. വി​ഗ്ര​ഹ​മു​ള്ള ശ്രീ​കോ​വി​ലി​ലേ​ക്ക് നേ​രി​ട്ട് സൂ​ര്യ​പ്ര​കാ​ശം ക​ട​ക്കാ​ത്ത​തി​നാ​ൽ സൂ​ര്യ​ര​ശ്മി​ക​ൾ പ​തി​പ്പി​ക്കാ​ൻ ഒ​പ്‌​റ്റോ​മെ​ക്കാ​നി​ക്ക​ൽ ഉ​പ​ക​ര​ണ​ങ്ങ​ളാ​ണ് ഉ​പ​യോ​ഗി​ച്ച​ത്.

ബം​ഗ​ളൂ​രു​വി​ലെ ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ആ​സ്ട്രോ​ഫി​സി​ക്സ് സാ​​ങ്കേ​തി​ക സ​ഹാ​യ​മേ​കി. ബം​ഗ​ളൂ​രു ആ​സ്ഥാ​ന​മാ​യു​ള്ള ഒ​പ്റ്റി​ക്ക എ​ന്ന ക​മ്പ​നി​യാ​ണ് ലെ​ൻ​സു​ക​ളും മ​റ്റും നി​ർ​മി​ച്ച​ത്.