വേനൽക്കാലമാണ്. ആരോഗ്യകരമായ ഭക്ഷണത്തിൽ ധാരാളം പഴങ്ങളും പച്ചക്കറികളും ഉൾപ്പെടുത്തേണ്ടതുണ്ട്. ഈ വേനൽക്കാലത്ത് ഒന്നു തണുക്കാനിതാ ഇവ ഉപയോഗിക്കാം.
തണ്ണിമത്തൻ: വേനൽക്കാലത്ത് കഴിക്കാവുന്ന ഏറ്റവും മികച്ച ഫലങ്ങളിലൊന്നാണ് തണ്ണിമത്തൻ. ധാരാളം ജലാംശമടങ്ങിയ തണ്ണിമത്തൻ നമുക്ക് തണുപ്പ് നൽകുന്നതിനൊപ്പം ശരീരത്തിലെ ജലാംശം നിലനർത്തുന്നതിനും സഹായിക്കും. കൂടാതെ, വിറ്റമിൻ എയും സിയും കൂടുതലായി അടങ്ങിയിട്ടുണ്ട്.
കരിക്ക്: ക്ഷീണമകറ്റാൻ ഏറ്റവും നല്ലത് കരിക്കാണ്. ശരീരത്തിലെ ജലാംശം നിലനിർത്തുന്നതിനും സഹായിക്കും. കലോറി കുറഞ്ഞ കരിക്കുവെള്ളത്തിൽ ധാരാളം ഇലക്ട്രോലൈറ്റ്സും അടങ്ങിയിട്ടുണ്ട്.
അവക്കാഡോ: ആരോഗ്യകരമായ കൊഴുപ്പിന്റെ ഉറവിടമാണ് അവക്കാഡോ. സലാഡുകളിലും മറ്റും ഉപയോഗിക്കാം.
കക്കിരി: കക്കിരിയിലും ജലാംശം വളരെയധികമുണ്ട്. പച്ചക്ക് കഴിക്കുന്നതാണ് ഏറ്റവും നല്ലത്. സലാഡുകളിൽ ഉൾപ്പെടുത്തിയും കഴിക്കാം.
സിട്രസ് ഫ്രൂട്സ്: ഓറഞ്ച്, മുസമ്പി, നാരങ്ങ എന്നിവയിലെല്ലാം വൻതോതിൽ വിറ്റമിൻ സി അടങ്ങിയിട്ടുണ്ട്. ഉന്മേഷത്തിനായി ഉപയോഗിക്കാവുന്നതാണ്.
പച്ചിലകൾ: ചീര, കാബേജ്, അരുഗുല അഥവാ ജെർജീൽ എന്നിവയിൽ വിറ്റമിനും ലവണങ്ങളും ധാരാളമായി അടങ്ങിയിട്ടുണ്ട്. സലാഡുകളോ സ്മൂത്തികളോ ആയി ഇവ കഴിക്കാം.
കട്ടിത്തൈര്: പ്രോബയോട്ടിക്കുകൾ ധാരാളമായി അടങ്ങിയ തൈര് ഉന്മേഷത്തിന് ഏറ്റവും അനുയോജ്യമായ ഭക്ഷ്യ വിഭവമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.