മുഹമ്മദ് സലാഹ് ഷാർജയിൽ; ആർത്തുവിളിച്ച് വരവേറ്റ് ആരാധകർ

ഷാ​ർ​ജ: അ​ന്താ​രാ​ഷ്ട്ര പു​സ്ത​കോ​ത്സ​വ വേ​ദി​യി​ൽ സ​മാ​പ​ന​ദി​വ​സം ഫു​ട്ബാ​ൾ ആ​രാ​ധ​ക​രു​ടെ കൂ​ടി ഉ​ത്സ​വ​മാ​യി​രു​ന്നു. സ്ക്രീ​നി​ൽ മാ​ത്രം ക​ണ്ടി​രു​ന്ന പ്രി​യ ഫു​ട്ബാ​ൾ താ​ര​ത്തെ ഒ​രു നോ​ക്കു​കാ​ണാ​ൻ ആ​രാ​ധ​ക​ർ തി​ക്കി​ത്തി​ര​ക്കി​യ​തോ​ടെ ബാ​ൾ റൂ​മി​ന് പു​റ​ത്ത് കാ​ലു​കു​ത്താ​ൻ ഇ​ട​മി​ല്ലാ​താ​യി.

ബാ​ൾ റൂ​മി​ലേ​ക്ക് ക​ന​ത്ത സു​ര​ക്ഷ അ​ക​മ്പ​ടി​യോ​ടെ​യെ​ത്തി​യ താ​ര​ത്തെ ആ​ർ​ത്തി​ര​മ്പു​ന്ന ഫു​ട്ബാ​ൾ ​ഗാ​ല​റി ക​ണ​ക്കെ​യാ​ണ് ആ​രാ​ധ​ക​ർ വ​ര​വേ​റ്റ​ത്. ത​ന്‍റെ ജീ​വി​ത​ത്തെ​യും വി​ജ​യ വ​ഴി​ക​ളെ​യും രൂ​പ​പ്പെ​ടു​ത്തി​യെ​ടു​ക്കു​ന്ന​തി​ലും ത​ന്‍റെ വീ​ക്ഷ​ണ​ങ്ങ​ളെ സ്വാ​ധീ​നി​ക്കു​ന്ന​തി​ലും വാ​യ​ന​ക്കു​ള്ള പ​ങ്കി​നെ സ​ലാ​ഹ് ആ​രാ​ധ​ക​രു​മാ​യി പ​ങ്കു​വെ​ച്ചു.

ഒ​രു പു​സ്ത​കം മാ​ത്ര​മ​ല്ല, പ​ല ബു​ക്കു​ക​ളും ത​ന്നെ സ്വാ​ധീ​നി​ച്ചി​ട്ടു​ണ്ടെ​ന്നാ​ണ് തി​ങ്ങി​നി​റ​ഞ്ഞ ആ​യി​ര​ക്ക​ണ​ക്കി​ന് ആ​രാ​ധ​ക​രോ​ട് താ​രം പ​റ​ഞ്ഞു വെ​ച്ച​ത്. ത​നി​ക്ക് ഏ​റ്റ​വും പ്രി​യ​പ്പെ​ട്ട​ത് നോ​വ​ലു​ക​ളാ​ണ്, ജീ​വി​ത​ത്തെ മ​റ്റൊ​രു വീ​ക്ഷ​ണ​കോ​ണി​ൽ​നി​ന്ന് നോ​ക്കി​ക്കാ​ണാ​ൻ നോ​വ​ലു​ക​ളി​ലൂ​ടെ സാ​ധി​ക്കാ​റു​ണ്ട്.

നോ​വ​ലു​ക​ൾ വ്യ​ത്യ​സ്ത സ​മൂ​ഹ​ങ്ങ​ളു​മാ​യി ഇ​ട​പ​ഴ​കാ​ൻ സ​ഹാ​യി​ക്കു​മെ​ന്നും പ്രി​യ താ​രം പ​റ​ഞ്ഞു. പു​സ്ത​ക​ങ്ങ​ളി​ലൂ​ടെ​യു​ള്ള അ​റി​വ് സ​ഹാ​നു​ഭൂ​തി വ​ള​ർ​ത്തു​ക​യും ജീ​വി​ത​ത്തെ​ക്കു​റി​ച്ചു​ള്ള ഒ​രാ​ളു​ടെ വീ​ക്ഷ​ണ​ത്തെ സ​മ്പ​ന്ന​മാ​ക്കു​ക​യും ചെ​യ്യു​മെ​ന്നും ഈ​ജി​പ്ഷ്യ​ൻ ഇ​തി​ഹാ​സം കൂ​ട്ടി​ച്ചേ​ർ​ത്തു.

നി​യ​ന്ത്ര​ണ​ങ്ങ​ൾ​മൂ​ലം പ്രി​യ താ​ര​ത്തെ കാ​ണാ​നാ​വാ​തെ മ​ല​യാ​ളി ബാ​ല​ന​ട​ക്ക​മു​ള്ള പ​ല കു​ഞ്ഞു ആ​രാ​ധ​ക​രും ക​ണ്ണ് നി​റ​ച്ചാ​ണ് ബാ​ൾ റൂം ​പ​രി​സ​രം വി​ട്ട​ത്.