അ​ന്താ​രാ​ഷ്ട്ര സ​ന്തോ​ഷ​ദി​നം ആ​ച​രി​ച്ചു

ദു​ബൈ: യു.​എ.​ഇ​യി​ലെ വി​വി​ധ വ​കു​പ്പു​ക​ളും സ്ഥാ​പ​ന​ങ്ങ​ളും തി​ങ്ക​ളാ​ഴ്ച അ​ന്താ​രാ​ഷ്ട്ര സ​ന്തോ​ഷ​ദി​നം ആ​ച​രി​ച്ചു. ദു​ബൈ, ഷാ​ർ​ജ, അ​ബൂ​ദ​ബി തു​ട​ങ്ങി​യ എ​മി​റേ​റ്റു​ക​ളി​ൽ പ്ര​ധാ​ന​പ്പെ​ട്ട സ​ർ​ക്കാ​ർ വ​കു​പ്പു​ക​ൾ​ക്ക്​ കീ​ഴി​ൽ ചെ​റു​തും വ​ലു​തു​മാ​യ പ​രി​പാ​ടി​ക​ളാ​ണ്​ ഇ​തി​നോ​ട​നു​ബ​ന്ധി​ച്ച്​ ഒ​രു​ക്കി​യ​ത്. ദു​ബൈ റോ​ഡ്, ഗ​താ​ഗ​ത അ​തോ​റി​റ്റി (ആ​ർ.​ടി.​എ) നാ​ല്​ പ​ദ്ധ​തി​ക​ളാ​ണ്​ ദി​നാ​ച​ര​ണ​ത്തോ​ട​നു​ബ​ന്ധി​ച്ച്​ ന​ട​പ്പി​ലാ​ക്കി​യ​ത്. സ​ർ​പ്രൈ​സ്​ സ​മ്മാ​ന​ങ്ങ​ള​ട​ങ്ങി​യ മെ​സേ​ജു​ക​ൾ അ​യ​ച്ച​താ​ണ്​ ഒ​രു പ​ദ്ധ​തി. മെ​സേ​ജു​ക​ൾ ല​ഭി​ച്ച​വ​ർ​ക്ക്​ വി​വി​ധ ആ​നു​കൂ​ല്യ​ങ്ങ​ൾ ല​ഭ്യ​മാ​കു​ക​യും ചെ​യ്തു. ദു​ബൈ​യി​ലെ വി​വി​ധ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ൽ ദി​വ​സം മു​ഴു​വ​ൻ നീ​ണ്ടു​നി​ൽ​ക്കു​ന്ന വി​നോ​ദ പ​രി​പാ​ടി​ക​​ളൊ​രു​ക്കി​യ​താ​ണ്​ മ​റ്റൊ​രു പ​ദ്ധ​തി.

വി​വി​ധ റേ​ഡി​യോ സ്​​റ്റേ​ഷ​നു​ക​ളു​മാ​യി​ സ​ഹ​ക​രി​ച്ചാ​ണ്​ ഈ ​പ​രി​പാ​ടി ഒ​രു​ക്കി​യ​ത്. മൂ​ന്നാ​മ​ത്തെ പ​ദ്ധ​തി​യി​ൽ 300 റീ​ൽ സി​നി​മ പ്ര​വേ​ശ​ന ടി​ക്ക​റ്റു​ക​ളും മാ​ജി​ദ്​ അ​ൽ ഫു​ത്തൈം ഗി​ഫ്​​റ്റ്​ വൗ​ച​റു​ക​ളും വി​ത​ര​ണം ചെ​യ്തു. 10 വ​ർ​ഷ​മാ​യി ഒ​രു ​ട്രാ​ഫി​ക്​ പി​ഴ പോ​ലും വ​രു​ത്താ​ത്ത ഡ്രൈ​വ​ർ​മാ​രെ ആ​ദ​രി​ച്ച​താ​ണ്​ നാ​ലാ​മ​ത്തെ പ​ദ്ധ​തി. സ​മൂ​ഹ​ത്തി​ൽ സ​ന്തോ​ഷം നി​റ​ക്കു​ക​യും ഉ​പ​ഭോ​ക്​​താ​ക്ക​ളു​ടെ ന​ല്ല ശീ​ല​ങ്ങ​ൾ പ്രോ​ത്സാ​ഹി​പ്പി​ക്കു​ക​യും ചെ​യ്യ​ലാ​ണ്​ ദി​നാ​ച​ര​ണ​ത്തി​ലൂ​ടെ ല​ക്ഷ്യ​മി​ട്ട​തെ​ന്ന്​ അ​ധി​കൃ​ത​ർ പ​റ​ഞ്ഞു.

ഷാ​ർ​ജ എ​ക്സ്​​പോ സെ​ന്‍റ​ർ സ​ന്തോ​ഷ​ദി​ന​ത്തി​ൽ ജീ​വ​ന​ക്കാ​രെ ആ​ദ​രി​ക്കു​ന്ന ച​ട​ങ്ങ്​ സം​ഘ​ടി​പ്പി​ച്ചു. എ​ക്സ്​​പോ സെ​ന്‍റ​ർ സി.​ഇ.​ഒ സൈ​ഫ്​ മു​ഹ​മ്മ​ദ്​ അ​ൽ മി​ദ്​​ഫ, വി​വി​ധ വ​കു​പ്പു​ക​ളു​ടെ ഡ​യ​റ​ക്ട​ർ​മാ​ർ, ജീ​വ​ന​ക്കാ​ർ എ​ന്നി​വ​ർ ച​ട​ങ്ങി​ൽ പ​​ങ്കെ​ടു​ത്തു. മി​ക​വ്​ തെ​ളി​യി​ച്ച ജീ​വ​ന​ക്കാ​രെ ച​ട​ങ്ങി​ൽ ആ​ദ​രി​ക്കു​ക​യും ചെ​യ്തു. ക​ൽ​ബ സി​റ്റി മു​നി​സി​പ്പാ​ലി​റ്റി​യും ജീ​വ​ന​ക്കാ​ർ​ക്കാ​യി ഹാ​പ്പി​ന​സ് ഡേ ​പ​രി​പാ​ടി സം​ഘ​ടി​പ്പി​ച്ചു.