ദിയാ ധനം നൽകാനില്ല, റാഫി ജയിലിനുള്ളിൽ 

ദുബൈ: പ്രയാസങ്ങൾക്ക്​ ഉത്തരം കണ്ടെത്താൻ പ്രവാസം സ്വീകരിക്കുന്ന എല്ലാ ചെറുപ്പക്കാരെയും പോലെ കൊച്ചു സ്വപ്​നങ്ങളുമായാണ്​ തളിക്കുളത്തു കാരൻ റാഫി യു.എ.ഇയിലേക്ക്​ വിമാനം കയറിയത്​. വീട്ടിലെ കടബാധ്യതകൾ തീർക്കണം, ഒരു പാട്​ കഷ്​ടങ്ങൾ അനുഭവിച്ച ഉമ്മാക്ക്​ മനസ്​ നിറയുവോളം സന്തോഷങ്ങൾ നൽകണം, കടങ്ങളെല്ലാം തീർത്ത്​ ഏറ്റവും പെ​െട്ടന്ന്​ ഭാര്യക്കും കുഞ്ഞുങ്ങൾക്കുമൊപ്പം ഇമ്പമുള്ള കുടുംബം കെട്ടിപ്പടുക്കണം. ജുമൈറയിലെ റസ്​റ്റോറൻറിൽ ഡെലിവറി ബോയിയായി ജോലിക്ക്​ കയറിയതോടെ ആ സ്വപ്​നങ്ങൾക്ക്​ ചിറകുവെച്ചു. എല്ലാം എളുപ്പം സഫലമാകുമെന്ന്​ അവനും പ്രിയപ്പെട്ടവരും കിനാവു കണ്ടു. പക്ഷെ ഇന്ന്​ സ്വപ്​നങ്ങൾ കാണാൻ പോലും അശക്​തനാണ്​ റാഫി. ത​​​​െൻറതല്ലാത്ത പിഴവി​​​​െൻറ പേരിൽ  മാസങ്ങളായി ജയിലിൽ കുടുങ്ങിയിരിക്കുന്നു. പുറം ലോകത്തെത്തണമെങ്കിൽ ഒരു ലക്ഷം ദിർഹം (18 ലക്ഷം രൂപ) കണ്ടെത്തണം. 

കഴിഞ്ഞ നവംബറിൽ ബൈക്കിൽ സഞ്ചരിക്കവെ മറ്റൊരു ബൈക്ക്​ പിറകെ വന്നിടിക്കുകയും അത്​ ഒാടിച്ചിരുന്ന ഇറാനി യുവാവ്​ മരണപ്പെടുകയുമായിരുന്നു. റാഫി ഒാടിച്ചിരുന്ന കമ്പനി ഉടമസ്​ഥതയിലുള്ള ബൈക്കി​​​​െൻറ ഇൻഷുറൻസ്​ പുതുക്കിയിരുന്നില്ലെന്നത്​ കേസിൽ  തിരിച്ചടിയായി. 
തുടർന്ന്​ ദുബൈ കോടതി ഒരു മാസം തടവു ശിക്ഷയും 5600 ദിർഹം പിഴയും മരണപ്പെട്ട യുവാവി​​​​െൻറ കുടുംബത്തിന്​ ഒരു ലക്ഷം ദിർഹം ബ്ലഡ്​മണി (ദിയാധനം)യും നൽകാൻ വിധിച്ചു. 

ദിയാധനത്തിനുള്ള പണം സംബന്ധിച്ച്​ തളിക്കുളം മഹല്ല് വെൽഫെയർ നോർത്തേൺ എമിറേറ്റ്സ്  കമ്മിറ്റി അംഗങ്ങൾ പലതവണ സംസാരിച്ചെങ്കിലും പിഴ തുകയല്ലാതെ മറ്റൊന്നും നൽകാനാവില്ലെന്ന്​ മുംബൈ സ്വദേശികളായ റസ്​റ്ററൻറ്​ ഉടമകൾ കൈയൊഴിഞ്ഞതോടെ മാസങ്ങൾ കഴിഞ്ഞിട്ടും റാഫിക്ക്​ പുറത്തിറങ്ങാനാവുന്നില്ല. 

14 വർഷം മുൻപ്​ പിതാവ്​ അമ്പലത്തു വീട്ടിൽ ഇബ്രാഹിം കുട്ടി മരണപ്പെട്ടതു മുതൽ കുടുംബത്തി​​​​െൻറ ഏക വരുമാന ശ്രോതസാണ്​  ഇൗ ചെറുപ്പക്കാരൻ. ഒരു സഹായ സമിതി നിർമിച്ചു നൽകിയ വീട്ടിലിരുന്ന്​ ഇയാളുടെ മോചനത്തിനായി   പ്രാർഥിക്കാൻ മാത്രമേ ഉമ്മക്കും ഭാര്യക്കും കഴിയൂ.​ 18 ലക്ഷം രൂപയെന്നത്​ അവർക്ക്​ കൂട്ടിയാൽ കൂടാത്ത തുകയാണ്​. പക്ഷെ പ്രവാസലോകത്തെ പത്ത്​ സഹൃദയർ മനസുവെച്ചാൽ സ്വരൂപിക്കാവുന്നതേയുള്ളൂ ഇൗ പണം. നൻമയുടെ തിരിനാളങ്ങൾ കെട്ടുപോയിട്ടില്ല. പ്രവാസി മലയാളി സമൂഹം മനസു വെക്കും, റാഫി പുറത്തിറങ്ങുക തന്നെ ചെയ്യും. നമുക്ക്​ കാത്തിരിക്കാം.