ല​ഹ​രി​മി​ഠാ​യി ക​ട​ത്ത്​​; ദു​ബൈ​യി​ൽ 15 പേ​ർ അ​റ​സ്റ്റി​ൽ

ദു​ബൈ: യു​വാ​ക്ക​ളെ​യും കു​ട്ടി​ക​ളെ​യും ല​ക്ഷ്യ​മി​ട്ട്​ ദു​ബൈ​യി​ലേ​ക്ക്​ ല​ഹ​രി മി​ഠാ​യി ക​ട​ത്താ​ൻ ശ്ര​മി​ച്ച 15 പേ​ർ പൊ​ലീ​സ്​ പി​ടി​യി​ലാ​യി. പ്ര​തി​ക​ളി​ൽ അ​ഞ്ചു​പേ​ർ വ​നി​ത​ക​ളാ​ണ്. 48 കി​ലോ മ​യ​ക്കു​മ​രു​ന്നും 1100 ല​ഹ​രി മി​ഠാ​യി​ക​ളും പ്ര​തി​ക​ളി​ൽ​നി​ന്ന്​ പി​ടി​ച്ചെ​ടു​ത്തു. ഇ​വ​ക്ക്​ വി​പ​ണി​യി​ൽ ഏ​താ​ണ്ട്​ 24 ല​ക്ഷം ദി​ർ​ഹം വി​ല​വ​രും. മി​ഠാ​യി വി​ൽ​പ​ന​യു​ടെ മ​റ​വി​ൽ മ​യ​ക്കു​മ​രു​ന്ന്​ ക​ല​ർ​ത്തി​യ മ​ധു​ര​പ​ല​ഹാ​ര​ങ്ങ​ളും ച്യൂ​യിം​ഗ​വും വി​ത​ര​ണം ചെ​യ്യാ​നാ​യി​രു​ന്നു പ്ര​തി​ക​ളു​ടെ ല​ക്ഷ്യം. സ​മൂ​ഹ മാ​ധ്യ​മ​ങ്ങ​ളി​ലൂ​ടെ യു​വാ​ക്ക​ൾ​ക്കും കു​ട്ടി​ക​ൾ​ക്കു​മാ​ണ്​​ ല​ഹ​രി മി​ഠാ​യി​ക​ൾ വി​ൽ​പ​ന ന​ട​ത്തി​യി​രു​ന്ന​തെ​ന്നാ​ണ്​ സം​ശ​യം.

അ​ന്താ​രാ​ഷ്ട്ര ല​ഹ​രി വി​രു​ദ്ധ ദി​ന​ത്തോ​ട​നു​ബ​ന്ധി​ച്ച്​ ന​ട​ത്തു​ന്ന ല​ഹ​രി​വി​രു​ദ്ധ ബോ​ധ​വ​ത്ക​ര​ണ​ത്തി​ന്‍റെ ഭാ​ഗ​മാ​യി ക​ഴി​ഞ്ഞ ദി​വ​സം ദു​ബൈ ഫെ​സ്റ്റി​വ​ൽ സി​റ്റി​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ലാ​ണ്​ ദു​ബൈ പൊ​ലീ​സ്​ ല​ഹ​രി വേ​ട്ട സം​ബ​ന്ധി​ച്ച വി​വ​ര​ങ്ങ​ൾ പു​റ​ത്തു​വി​ട്ട​ത്.

രാ​ജ്യ​ത്തി​ന്​ പു​റ​ത്തു​നി​ന്നാ​ണ്​ സം​ഘം പ്ര​വ​ർ​ത്തി​ച്ചി​രു​ന്ന​തെ​ന്നും പ​ക്ഷേ, ബ​ന്ധ​പ്പെ​ട്ട അ​തോ​റി​റ്റി​ക​ളു​ടെ സ​ഹ​ക​ര​ണ​ത്തോ​ടെ ഇ​വ​രെ അ​റ​സ്റ്റ്​ ചെ​യ്യാ​ൻ ക​ഴി​ഞ്ഞ​താ​യും ജ​ന​റ​ൽ ഡി​പ്പാ​ർ​ട്ട്​​മെ​ന്‍റ്​ ഓ​ഫ്​ നാ​ർ​ക്കോ​ട്ടി​ക്സി​ലെ ഇ​ന്‍റ​ർ​നാ​ഷ​ന​ൽ ​പ്രൊ​ട്ട​ക്ഷ​ൻ സെ​ന്‍റ​ർ ഡ​യ​റ​ക്ട​ർ ബ്രി​ഗേ​ഡി​യ​ർ ജ​ന​റ​ൽ ഡോ. ​അ​ബ്​​ദു​റ​ഹ്​​മാ​ൻ ഷ​റ​ഫ്​ അ​ൽ മാ​മ​രി പ​റ​ഞ്ഞു. വ്യ​ത്യ​സ്ത​മാ​യ മി​ഠാ​യി​ക​ളി​ലാ​ണ്​ ല​ഹ​രി ക​ല​ർ​ത്തി​യി​രു​ന്ന​ത്.

പ്ര​തി​ക​ളു​ടെ വീ​ടു​ക​ളി​ൽ പ​രി​ശോ​ധ​ന ന​ട​ത്തു​ന്ന​തി​നു​മു​മ്പ്​ സം​ഘ​ത്തി​ന്‍റെ നീ​ക്ക​ങ്ങ​ൾ പൊ​ലീ​സ്​ സൂ​ക്ഷ്മ​മാ​യി നി​രീ​ക്ഷി​ച്ചി​രു​ന്നു. യു.​എ.​ഇ​യി​ൽ മ​യ​ക്കു​മ​രു​ന്ന് ക​ല​ർ​ന്ന മ​ധു​ര​പ​ല​ഹാ​ര​ങ്ങ​ൾ വി​ത​ര​ണം ചെ​യ്യാ​ൻ ശ്ര​മി​ക്കു​ന്ന ഒ​രു അ​തി​ർ​ത്തി ക​ട​ന്നു​ള്ള ശൃം​ഖ​ല​യെ​ക്കു​റി​ച്ച് സൂ​ച​ന ല​ഭി​ച്ച​തി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി സ്വീ​ക​രി​ച്ച​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. പ്ര​തി​ക​ളെ പി​ടി​കൂ​ടു​ന്ന​തി​നാ​യി വി​ദ​ഗ്​​ധ സം​ഘ​ത്തി​നൊ​പ്പം ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ്​ അ​ടി​സ്ഥാ​ന​മാ​ക്കി​യു​ള്ള നി​രീ​ക്ഷ​ണ സം​വി​ധാ​ന​ങ്ങ​ളും​ പൊ​ലീ​സ്​ ഉ​പ​യോ​ഗ​പ്പെ​ടു​ത്തി​യി​രു​ന്നു.

അ​തേ​സ​മ​യം, സ​മൂ​ഹ മാ​ധ്യ​മ​ങ്ങ​ൾ വ​ഴി​യു​ള്ള ല​ഹ​രി വി​ൽ​പ​ന വ​ർ​ധി​ക്കു​ന്ന​തി​നെ​തി​രെ ജാ​ഗ്ര​ത പു​ല​ർ​ത്ത​ണ​മെ​ന്നും ക​ഴി​ഞ്ഞ ദി​വ​സ​ങ്ങ​ളി​ൽ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി​യി​രു​ന്നു. ഡി​ജി​റ്റ​ൽ ലോ​ക​ത്ത്​ ഇ​ത്ത​രം അ​പ​ക​ട​ങ്ങ​ൾ​ക്കെ​തി​രെ കു​ട്ടി​ക​ളെ ബോ​ധ​വ​ത്​​ക​രി​ക്കു​ന്ന​തി​ൽ കു​ടും​ബ​ങ്ങ​ൾ കൂ​ടു​ത​ൽ ശ്ര​ദ്ധ​ചെ​ലു​ത്ത​ണ​മെ​ന്ന്​ അ​ധി​കൃ​ത​ർ അ​ഭ്യ​ർ​ഥി​ച്ചു.