റിയാദിലെ ഈസ്റ്റ് വെനീസ് അസോസിയേഷന് (ഇവ) കുടുംബസംഗമത്തിൽനിന്ന്
റിയാദ്: സൗഹൃദത്തിന്റെ മധുരവും കൂട്ടായ്മയുടെ സന്തോഷവും കളിചിരികളും പങ്കുവെച്ച് ആലപ്പുഴ പ്രവാസി കൂട്ടായ്മ ഈസ്റ്റ് വെനീസ് അസോസിയേഷന് (ഇവ) കുടുംബ സംഗമം. റിയാദ് എക്സിറ്റ് 18-ലെ ബലദി ഇസ്തിറാഹയിൽ നടന്ന സംഗമത്തില് പ്രസിഡന്റ് ആന്റണി വിക്ടര് അധ്യക്ഷത വഹിച്ചു.
സെക്രട്ടറി രാജേഷ് ഗോപിനാഥൻ, ട്രഷറര് നിസാര് മുസ്തഫ, രക്ഷാധികാരികളായ സുരേഷ് ആലപ്പുഴ, ഹാഷിം ചീയാംവേലിൽ, നിസാർ അഹമ്മദ് എന്നിവർ സംസാരിച്ചു. ഇവ കുടുംബാംഗങ്ങൾ അവതരിപ്പിച്ച ഗാനമേള പരിപാടിക്ക് ഇമ്പമേകി. ആലപ്പുഴയെ കേന്ദ്രീകരിച്ച് തയാറാക്കിയ ചോദ്യങ്ങളുമായി ചാരിറ്റി കൺവീനർ സിജു പീറ്ററിന്റെ നേതൃത്വത്തിൽ നടത്തിയ ക്വിസ് മത്സരത്തിൽ അംഗങ്ങൾ എല്ലാവരും വാശിയോടെ പങ്കെടുത്തു. സെബാസ്റ്റ്യൻ ചാർളി, യു.കെ. ഷാജി, ബിജു പാതിരാപ്പള്ളി എന്നിവർ നേതൃത്വം നൽകിയ ‘ലൈവ് കിച്ചണി’ൽനിന്നും സ്വാദിഷ്ടമായ വിഭവങ്ങൾ എല്ലാവരും ആസ്വദിച്ച് കഴിച്ചു.
സജാദ് സലീം, ജയരാജ്, സുദര്ശന കുമാര്, സാനു മാവേലിക്കര, ഫാരിസ് സെയ്ഫ്, ആസിഫ് ഇക്ബാൽ, ജുഗൽ ജബ്ബാർ, ബഷീർ സാപ്റ്റികോ, നൂറുദ്ദിൻ, ഫൈസൽ അഹമ്മദ്, മുഹമ്മദ് കോയ, സാബു പുത്തൻപുരക്കൽ, ബിന്ദു സാബു, റീന സിജു, സീന നിസാര്, മായ ജയരാജ്, നൈസി സജാദ്, ഫിദ ഫാത്തിമ എന്നിവര് നേതൃത്വം നല്കി. പരിപാടികളുടെ ശബ്ദവ്യന്യാസം ക്രമീകരിച്ചത് കിഷോർ ആയിരുന്നു.ജനറല് സെക്രട്ടറി രാജേഷ് ഗോപിനാഥൻ സ്വാഗതവും ഹാഷിം ചീയാംവേലിൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.