റിയാദ്: ഏപ്രിലിന് ശേഷം സൗദി അറേബ്യയിൽ ഏറ്റവും കുറഞ്ഞ നിലയിലായി കോവിഡ് വ്യാപനം. ഞായറാഴ്ച 187 പേർക്ക് മാത്രമാണ് പുതുതായി കോവിഡ് സ്ഥിരീകരിച്ചത്. രാജ്യത്ത് വിവിധയിടങ്ങളിലായി 11 മരണങ്ങൾ റിപ്പോർട്ട് ചെയ്തു. 317 പേർ കോവിഡ് മുക്തരായി. ആകെ കോവിഡ് കേസുകളുടെ എണ്ണം 358713 ആയി. രോഗമുക്തരുടെ ആകെ എണ്ണം 348879 ആയി ഉയർന്നു. ആകെ മരണസംഖ്യ 5965 ആണ്.
അസുഖ ബാധിതരായി രാജ്യത്ത് അവശേഷിക്കുന്നവരുടെ എണ്ണം 3869 ആയി കുറഞ്ഞു. ഇതിൽ 600 പേർ മാത്രമാണ് ഗുരുതരനിലയിലുള്ളത്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 97.2 ശതമാനമായും മരണനിരക്ക് 1.7 ശതമാനമായും തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 52, മക്ക 38, മദീന 33, കിഴക്കൻ പ്രവിശ്യ 25, ഖസീം 13, അസീർ 9, നജ്റാൻ 4, തബൂക്ക് 4, ജീസാൻ 3, അൽജൗഫ് 2, വടക്കൻ അതിർത്തി മേഖല 2, ഹാഇൽ 1, അൽബാഹ 1.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.