ജിദ്ദ: ഉംറ നിര്വഹിക്കാനെത്തി രോഗബാധിതയായി ആശുപത്രിയില് ചികിത്സയിലിരിക്കെ കൊല്ലം സ്വദേശിനി മരിച്ചു. വടക്കേവിള സ്വദേശിനി മുംതാസ് ബീഗം കമലുദ്ദീന് (69) ആണ് മരിച്ചത്.
ഉംറ കർമങ്ങൾക്ക് ശേഷം 10 ദിവസങ്ങൾക്ക് മുമ്പ് നാട്ടിലേക്ക് തിരിച്ചു പോകുന്നതിനായി ജിദ്ദ വിമാനത്താവളത്തിലെത്തി എമിഗ്രേഷന് നടപടികള് പൂര്ത്തിയാക്കിയ ശേഷം ഇവർക്ക് ദേഹാസ്വാസ്ഥ്യം അനുഭവപ്പെടുകയായിരുന്നു. ഉടൻ അബ്ഹൂര് കിംഗ് അബ്ദുള്ള മെഡിക്കല് കോംപ്ലക്സില് പ്രവേശിപ്പിക്കുകയായിരുന്നു.
ഇവിടെ ചികിത്സയിലിരിക്കെയാണ് ശനിയാഴ്ച രാവിലെ മരിച്ചത്. നടപടിക്രമങ്ങള് പൂര്ത്തിയാക്കി മൃതദേഹം ജിദ്ദയില് ഖബറടക്കുമെന്ന് ബന്ധപ്പെട്ടവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.