ജിദ്ദ: 16 മാസത്തെ അവധി കഴിഞ്ഞു ഒരു മാസം മുമ്പ് ജിദ്ദയിൽ തിരിച്ചെത്തിയ കൊല്ലം സ്വദേശി കോവിഡ് ബാധിച്ച് മരിച്ചു. നെടുമ്പന കുളപ്പാടം സ്വദേശി പാറപ്പുറത്ത് വീട് നിസാമുദ്ധീൻ (52) ആണ് മരിച്ചത്. ദീർഘനാളത്തെ അവധിക്ക് ശേഷം കഴിഞ്ഞ മാസം മൂന്നിനാണ് ഇദ്ദേഹം മാലദ്വീപ് വഴി ദമ്മാമിലെത്തിയത്.
ദമ്മാമിൽ നിന്നും റോഡ് മാർഗം ജിദ്ദയിലെത്തിയ ഇദ്ദേഹത്തിന് കോവിഡ് ബാധിക്കുകയും മെയ് ഒമ്പതിന് മഹ്ജർ കിങ് അബ്ദുൽ അസീസ് യൂനിവേഴ്സിറ്റി ആശുപത്രിയിൽ പ്രവേശിപ്പിക്കുകയും ചെയ്തു. ശേഷം രോഗം ഗുരുതരമാവുകയും തിങ്കളാഴ്ച ഉച്ചയോടെ മരിക്കുകയുമായിരുന്നു.
കഴിഞ്ഞ 27 വർഷമായി പ്രവാസിയായ ഇദ്ദേഹം ജിദ്ദയിലെ അൽ ജൗഹറ ഡിസ്ട്രിക്ടിൽ അൽ മൊഹൈദിബ് വാട്ടർ ടാങ്ക് കമ്പനിയിൽ സ്റ്റോർ കീപ്പർ ആയി ജോലി ചെയ്യുകയായിരുന്നു.
പിതാവ്: സലാഹുദ്ധീൻ, മാതാവ്: ജമീല ബീവി, ഭാര്യ: അമീന, മക്കൾ: മുഹമ്മദ് ബിലാൽ (16), അസറുദ്ധീൻ (13). നിയമനടപടി ക്രമങ്ങൾ പൂർത്തിയാക്കാൻ ഇദ്ദേഹത്തോടൊപ്പം ഒരേ റൂമിൽ താമസിച്ചിരുന്ന സജീഷ്, ഇന്ത്യൻ സോഷ്യൽ ഫോറം പ്രവർത്തകരായ മുഹമ്മദ് ഷാഫി, മസ്ഊദ്, ഹബീബ് എന്നിവർ രംഗത്തുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.