ദോഹ: കാലാവസ്ഥാ വകുപ്പ് കഴിഞ്ഞ ദിവസം പ്രവചിച്ചത് പോലെ ഇന്നലെ രാജ്യത്തിെൻറ പടിഞ്ഞാറ് ഭാഗങ്ങ ളിൽ സാമാന്യം മഴ ലഭ ിച്ചതായി റിപ്പോർട്ട് ചെയ്യപ്പെട്ടു. കടുത്ത ചൂടിൽ തകർത്ത് പെയ്യുന്ന മഴയുടെയും കു ത്തിയൊലിക്കുന്ന മഴവെള്ളത്തിെൻറയും വീഡിയോ ദൃശ്യങ്ങൾ സാമൂഹിക മാധ്യമങ്ങളിൽ വൈറലായി.
ഉം ബാബ്, ദുഖാൻ ഭാഗങ്ങളിലാണ് മഴ ലഭിച്ചത്. അതേസമയം, കാറ്റിനും ഇടിമിന്നലോട് കൂടിയ മഴക്കും സാധ്യതയുള്ളതിനാൽ മുൻകരുതലുകൾ സ്വീകരിക്കാൻ വകുപ്പ് ആവശ്യപ്പെട്ടു. കാറ്റും മഴയുമുള്ളപ്പോൾ പുറത്തിറങ്ങരുത്, കാറുകളുടെ വിൻഡോ ഗ്ലാസുകൾ അടച്ചുവെന്ന് ഉറപ്പു വരുത്തുക, ഇടി മിന്നൽ സമയത്ത് തുറസ്സായ സ്ഥലങ്ങളിലും മേൽക്കൂരകളിലും ഉയരം കൂടിയ മരങ്ങൾക്കും വൈദ്യുതി പോസ്റ്റുകൾക്കും താഴെ നിൽക്കരുതെന്നും വകുപ്പ് നിർദേശിച്ചു.
വെള്ളക്കെട്ടുകൾക്ക് അടുത്ത് നിന്നും മാറിനി ൽക്കാനും കാലാവസ്ഥാ വകുപ്പ് ആവശ്യപ്പെട്ടിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.