കെ.എം.സി.സി സൗത്ത് സോൺ കമ്മിറ്റി സംഘടിപ്പിച്ച രാഹുൽ ഗാന്ധി ഐക്യദാർഢ്യ ചടങ്ങിൽ പ്രസിഡന്റ് ഷാ വലിയവീട്ടിൽ പ്രതിജ്ഞ ചൊല്ലിക്കൊടുക്കുന്നു
ദോഹ: ഇന്ത്യൻ പാർലമെന്റിൽനിന്ന് രാഹുൽ ഗാന്ധിയെ അയോഗ്യനാക്കിയതിനെതിരെ ഇന്ത്യൻ യൂനിയൻ മുസ്ലിം ലീഗ് കേരള സംസ്ഥാന കമ്മിറ്റി ആഹ്വാനമനുസരിച്ച് പ്രതിഷേധ പരിപാടി ഖത്തറിലും നടന്നു. ഖത്തർ കെ.എം.സി.സി സൗത്ത് സോൺ കമ്മിറ്റിയാണ് ‘വീ ആർ വിത്ത് യു രാഹുൽ ഗാന്ധി’ എന്ന പോസ്റ്ററുകളുമേന്തി പ്രതിഷേധം സംഘടിപ്പിച്ചത്. തുമാമ കെ.എം.സി.സി ഹാളിൽ ഇഫ്താറോടെ നടന്ന ചടങ്ങിൽ ഖത്തർ കെ.എം.സി.സി സംസ്ഥാന പ്രസിഡന്റ് എസ്.എ.എം. ബഷീർ, ഡോ. അബ്ദുസ്സമദ്, സലീം നാലകത്ത്, അഡ്വ. ജാഫർഖാൻ, അബ്ദുൽ റഊഫ് കൊണ്ടോട്ടി തുടങ്ങിയവർ സംസാരിച്ചു. കെ.എം.സി.സി സൗത്ത് സോൺ കമ്മിറ്റി പ്രസിഡന്റ് ഷാ വലിയവീട്ടിൽ ഐക്യദാർഢ്യ പ്രതിജ്ഞ ചൊല്ലിക്കൊടുത്തു. ഫൈസൽ നിയാസ് ഹുദവി റമദാൻ സന്ദേശം നൽകി.
സൗത്ത് സോൺ ജനറൽ സെക്രട്ടറി സിറാജ് റാവുത്തർ, സിയാദ് കൊച്ചി, താഹിർ തിരുവല്ല, വിവിധ ജില്ല കമ്മിറ്റി ഭാരവാഹികളായ ടി.ടി. കുഞ്ഞുമുഹമ്മദ്, സവാദ് വെളിയംകോട്, നാസർ എൻ.ടി, ജാഫർ സാദിഖ്, അബു മണിച്ചിറ തുടങ്ങിയവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.