​ഒത്തൊരുമയുടെ ഉത്സവം

ഒത്തൊരുമിച്ച്​ ആഘോഷിക്കാൻ ഇഷ്​ടപ്പെടുന്ന ഉത്സവമാണ്​ ഓണം. അതുകൊണ്ട് ഓണാഘോഷങ്ങൾ ഒരിക്കലും ഒഴിവാക്കാറില്ല. പ്രത്യേകിച്ച് പ്രവാസമണ്ണിൽ കാലെടുത്തുവെച്ചനാൾ തൊട്ട്​. കുട്ടിക്കാലം മുഴുവൻ തമിഴ്‌നാട്ടിലായിരുന്നു. അവിടെ നാട്ടിലെ ബഹളങ്ങളൊന്നുമുണ്ടാവില്ല. തിര​ുവോണത്തിന്​ അമ്മയുടെ സദ്യ ഒരുക്കമാവു​േമ്പാഴാവും ഓണം വന്നത്​ അറിയുന്നത്​. സ്കൂളിനൊന്നും ഒഴിവുണ്ടാവില്ല. ചിലപ്പോൾ പരീക്ഷയുമായിരിക്കും. ഒരിക്കൽ സഹോദരി ഓണസദ്യ കഴിക്കാനുള്ള കൊതികൊണ്ട്​ പരീക്ഷയിൽനിന്നുവരെ മുങ്ങിയത്​ ഓർക്കുന്നു. സദ്യയുണ്ട്​, കൂട്ടുകാരിയിൽനിന്ന്​ ചോദ്യ​േപപ്പറും ഒപ്പിച്ച്​ ഞങ്ങളെയെല്ലാം പറ്റിച്ച അവളുടെ കള്ളി വെളിച്ചത്തായത് പരീക്ഷഫലം വ​​ന്നപ്പോഴായിരുന്നു. ഇന്നും ഓണത്തിൻെറ കുസൃതി നിറഞ്ഞ ഓർമയാണത്​.

ബാല്യകാലത്തെ ഓണ ഓർമകൾ നാട്ടിലെ സ്​കൂളിൽ പഠിച്ച നാലും അഞ്ചും ക്ലാസിലേതായിരുന്നു. രണ്ടുവർഷം മാത്രമായിരുന്നുവെങ്കിലും ഓർമകൾ ഏറെയുണ്ടായി. അമ്മയുടെ തറവാട്ടിലായിരുന്നു ആ രണ്ടുവർഷം താമസിച്ചത്. സഹോദരങ്ങൾക്കും ബന്ധുക്കൾക്കുമൊപ്പമുള്ള ഓണനാളുകൾ. മറ്റുവീടുകളിൽ​ പൂവിറുക്കാൻ പോവുന്നതും തൊടിയിൽനിന്ന്​ തുമ്പപ്പൂനുള്ളുന്നതും പാടങ്ങളിൽനിന്ന്​ സരസ്വതി പൂവും വരിയും പറിച്ചെടുക്കുന്നതും ഇന്നലെ പോലെ ഓർക്കുന്നു. സദ്യകഴിഞ്ഞാൽ കുട്ടിക്കളികളും നാടുചുറ്റലുമായി ആകെ കളർഫുൾ. ഓണാവധിയിൽ ഒത്തൊരുമിച്ച്​ കൂടുമ്പോഴുള്ള ഇമ്പം അനുഭവിച്ചുതന്നെ അറിയണം. ഇന്നത്തെ കമ്പ്യൂട്ടർ യുഗത്തിലെ മക്കൾക്ക് കിട്ടാതെ പോയ സൗഭാഗ്യമാണത്​.

പിന്നെ, ജോലിതേടി ബംഗളൂരുവിലും ശേഷം ഖത്തറിലുമെത്തിയപ്പോൾ ഓണത്തിൻെറ ശൈലി മാറി. നാട്ടിലെ ഓണത്തേക്കാൾ സൗഹൃദങ്ങൾക്ക് കൂടുതൽ നൽകിയത് ഖത്തറായിരുന്നു. എഫ്​.സി.സിയിലെ ഓണസദ്യകളും ഓണപ്പരിപാടികളും മറ്റൊരു അനുഭൂതി പകർന്നു. മുന്നൂറിൽപരം ആളുകൾക്ക് ഞങ്ങൾ ഇരുപതു സ്ത്രീകൾ സ്വന്തം വീട്ടിൽനിന്ന് സദ്യയൊരുക്കി വിളമ്പു​േമ്പാൾ കിട്ടുന്ന ആ സന്തോഷം വേറെയാണ്​. പ്രവാസത്തിലെ ഓണം, ക്രിസ്മസ് വരെ നീളുന്നതാണല്ലോ. കോവിഡ്​ കാലത്ത്​ എല്ലാം ഓൺലൈൻ ആയതോടെ ഓണവും ഓൺലൈനിലാക്കാൻ ഒരുങ്ങുകയാണ്​ ഞങ്ങൾ. എല്ലാവർക്കും നന്മനിറഞ്ഞ ഓണാശംസകൾ.