മസ്കത്ത്: മസ്കത്ത് നഗരസഭയുടെ അർബൻ ഇൻസ്പെക്ഷൻ വകുപ്പ് വിവിധയിടങ്ങളിൽ കടകളിലും സ്ഥാപനങ്ങളിലും പരിശോധന നടത്തി. ഗാലയിൽ വീട്ടിൽ പ്രവർത്തിച്ചിരുന്ന ഫർണിച്ചർ അപ്ഹോൾസ്റ്ററി ബിസിനസ് സ്ഥാപനം അടപ്പിച്ചു. വിദേശികളാണ് അനധികൃതമായി പ്രവർത്തിച്ചിരുന്ന സ്ഥാപനം നടത്തിയിരുന്നത്. നഗരസഭയുടെ നിയമങ്ങൾക്കും മാനദണ്ഡങ്ങൾക്കും വിരുദ്ധമായി പ്രവർത്തിച്ചതിനാലാണ് നടപടിയെന്ന് നഗരസഭ അറിയിച്ചു. ജിഫ്നൈൻ, അൽഖൂദ് മേഖലകളിലെ നിരവധി സ്ഥാപനങ്ങളിലും പരിശോധന നടന്നു. ലൈസൻസില്ലാതെയും ലൈസൻസ് പുതുക്കാതെയും പ്രവർത്തിച്ചിരുന്ന സ്ഥാപനങ്ങൾ പരിശോധനയിൽ കണ്ടെത്തി. ഇൗ സ്ഥാപനങ്ങളെല്ലാം അടപ്പിച്ചതായി നഗരസഭ ട്വിറ്ററിൽ അറിയിച്ചു. വ്യാപാര സ്ഥാപനങ്ങളിലെയും കടകളിലെയും നിയമലംഘനങ്ങൾ കണ്ടെത്താൻ നഗരസഭ പരിശോധനകൾ നടത്തിവരുകയാണ്. തെരുവു കച്ചവടക്കാർക്കെതിരെയും നഗരസഭ നടപടി കർക്കശമാക്കിയിട്ടുണ്ട്. നിരവധി പേരെ കഴിഞ്ഞ നാളുകളായി നടന്നുവരുന്ന പരിശോധനകളിൽ പിടികൂടിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.