എം.എല്.എക്കെതിരെയുള്ള അന്വേഷണം നിഷ്പക്ഷവും നീതിപൂര്വവുമാകണം -ചെന്നിത്തല തിരുവനന്തപുരം: എം. വിന്സെൻറ് എം.എൽ.എക്കെതിരെ ഉയര്ന്ന ആരോപണങ്ങളെക്കുറിച്ച് നിഷ്പക്ഷവും നീതിപൂര്വവുമായ അന്വേഷണം വേണമെന്ന് പ്രതിപക്ഷനേതാവ് രമേശ് ചെന്നിത്തല. ബാലരാമപുരത്ത് എം.എല്.എയുടെ വസതി സന്ദര്ശിച്ചശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പത്തു മാസം മുമ്പ് നടെന്നന്ന് പറയുന്ന സംഭവത്തെ ആധാരമാക്കിയാണ് പരാതി. പരാതി കിട്ടിയ ഉടനെ വിന്സെൻറ് ഡി.ജി.പിക്കും സ്പീക്കര്ക്കും ഇതേക്കുറിച്ച് പരാതി നല്കി. എന്നാൽ, ഈ പരാതിയില് യാതൊരു അന്വേഷണവും നടന്നില്ല. ഇതിൽ വിശദമായ അന്വേഷണം നടത്തേണ്ട ബാധ്യത പൊലീസിനുണ്ട്. പൊലീസ് ഇക്കാര്യത്തില് ഗുരുതര വീഴ്ചയാണ് വരുത്തിയത്. സംഭവം വളരെ ഗൗരവമുള്ളതാണ്. ഇതില് രാഷ്ട്രീയ ഗൂഢാലോചന ഉണ്ടെന്ന് ബന്ധുക്കളും നാട്ടുകാരും പറയുന്നുണ്ട്. ഇതും അന്വേഷണവിധേയമാക്കണം. ഇത്തരമൊരു പരാതി ലഭിച്ചയുടനെ വിൻസെൻറ് രാജി സന്നദ്ധത അറിയിച്ചതാണ്. എന്നാല്, പാര്ട്ടി നേതൃത്വം തന്നെയാണ് രാജിവെക്കേണ്ടെന്ന് നിര്ദേശം നല്കിയത്. പാര്ലമെൻറില് സ്ത്രീ സുരക്ഷക്കുവേണ്ടി നടപ്പാക്കിയ നിയമം ഇൗ സംഭവത്തിൽ ദുരുപയോഗം ചെയ്തതായും ചെന്നിത്തല പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.