തിരുവനന്തപുരം: എട്ടുവയസ്സുകാരിയുമായി ഭിക്ഷാടനം നടത്തിയ ബധിരനും മൂകനുമായ ആളിനെ തമ്പാനൂര് പൊലീസ് പിടികൂടി. ഇയാള്ക്കെതിരെ ഭിക്ഷാടനത്തിന് കേസെടുത്തതായി അറിയിച്ചു. ആഗ്ര സ്വദേശികളാണ് ഇരുവരുമെന്ന് പൊലീസ് കരുതുന്നു. ദുരൂഹസാഹചര്യത്തില് ഇവരെ കണ്ട ചൈല്ഡ് ലൈന് പ്രവര്ത്തകരാണ് പൊലീസിനെ വിവരമറിയിച്ചത്. തുടര്ന്ന് ന്യൂതിയറ്റര് പരിസരത്ത് നിന്നാണ് ഇയാളെ പിടികൂടിയത്. കുട്ടിയെ ചൈല്ഡ് ലൈന് പ്രവര്ത്തകര് ഏറ്റെടുത്ത് സുരക്ഷിതകേന്ദ്രത്തിലേക്ക് മാറ്റി. രണ്ടുദിവസമായി ഈ ഭാഗങ്ങളില് കുട്ടിയുമായി ഇയാള് ഭിക്ഷാടനം നടത്തിവരുകയായിരുന്നു. ചൈല്ഡ് ലൈന് പ്രവര്ത്തകര് കുട്ടിയുമായി സംസാരിച്ചതില് നിന്ന് ഇരുവരും അയല്ക്കാരാണെന്ന് കരുതുന്നതായും പൊലീസ് പറയുന്നു. പിടിയിലായ ആളുമായി ആംഗ്യഭാഷയില് സംസാരിക്കാന് വിദഗ്ധരുടെ സഹായം തേടിയെങ്കിലും വിജയിച്ചില്ല. ആഗ്രയില് നിന്നുള്ള വിവരങ്ങള് ശേഖരിക്കാനുള്ള നീക്കങ്ങളും ആരംഭിച്ചിട്ടുണ്ട്. അതേസമയം, പിടിയിലായ ആള്ക്ക് ഭിക്ഷാടനമാഫിയയുമായി ബന്ധമുണ്ടെന്ന് കരുതുന്നില്ളെന്ന് തമ്പാനൂര് എസ്.ഐ പ്രകാശ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.