കുന്നംകുളം: സ്റ്റാൻഡിൽ സ്വകാര്യ ബസ് കയറി യാത്രക്കാരെൻറ കാൽ ചതഞ്ഞു. പാവറട്ടി വെന്മെനാട് രായ്മരക്കാർ വീട്ടിൽ മുഹമ്മദിനാണ് (63) പരിക്കേറ്റത്. വെള്ളിയാഴ്ച രാവിലെ 11.15നാണ് സംഭവം. ചങ്ങരംകുളെത്ത ബന്ധുവീട്ടിൽനിന്ന് മടങ്ങിയ മുഹമ്മദ് പാവറട്ടിയിലേക്കുള്ള ബസിൽ കയറാൻ സ്റ്റാൻഡിലൂടെ നടക്കുന്നതിനിടെ അമിത വേഗത്തിലെത്തിയ ബസ് ഇടിച്ചുവീഴ്ത്തുകയായിരുന്നു. ഗുരുവായൂരിൽനിന്ന് പാലക്കാേട്ടക്ക് പോകുന്ന ‘നാഷ’ ബസാണ് ഇടിച്ചത്. നിലത്തുവീണ മുഹമ്മദിെൻറ വലതുകാൽപാദത്തിലൂടെ ബസിെൻറ മുൻചക്രം കയറിയിറങ്ങി. ആദ്യം കുന്നംകുളം താലൂക്ക് ആശുപത്രിയിലും തൃശൂരിലെ മൂന്ന് സ്വകാര്യ ആശുപത്രികളിലും കൊണ്ടുപോയ ശേഷം ജൂബിലി മിഷൻ ആശുപത്രിയിൽ പ്രവേശിപ്പിച്ചു. ഒരുവർഷത്തിനുള്ളിൽ ബസ്സ്റ്റാൻഡിൽ ഏഴാമത്തെ അപകടമാണിത്. സ്റ്റാൻഡിലെ അസൗകര്യവും അമിത വേഗവുമാണ് അപകട കാരണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.