തിരുവമ്പാടി: തിരുവമ്പാടി ഗ്രാമപഞ്ചായത്ത് മറിയപ്പുറം വാര്ഡ് ഉപതെരഞ്ഞെടുപ്പില് ഇടതു മുന്നണിക്ക് തിളക്കമാര്ന്ന വിജയം. വാര്ഡ് നിലനിര്ത്തിയ എല്.ഡി.എഫ് 424 വോട്ടിന്െറ ഭൂരിപക്ഷം നേടി. ഇടതു സ്ഥാനാര്ഥി റംല ചോലക്കല് ആണ് വിജയിച്ചത്. കഴിഞ്ഞ പഞ്ചായത്ത് തെരഞ്ഞെടുപ്പില് 34 വോട്ടിന്െറ ഭൂരിപക്ഷമാണ് ഇടത് മുന്നണിക്ക് ലഭിച്ചിരുന്നത്. എല്.ഡി.എഫ് 767 വോട്ട് കരസ്ഥമാക്കിയപ്പോള് യു.ഡി.എഫ് സ്ഥാനാര്ഥി സുഹറ ചെറുക്കാട്ടില് 343 വോട്ടാണ് നേടിയത്. ഒരു വിഭാഗം ലീഗ് പ്രവര്ത്തകര് പിന്തുണച്ച ജനകീയ ഐക്യമുന്നണി സ്ഥാനാര്ഥി റൈഹാനത്ത് ഓമശ്ശേരി 87 വോട്ടും എന്.ഡി.എ സ്ഥാനാര്ഥി ബിന്ദു രാജന് 28 വോട്ടും നേടി. സി.പി.എം പ്രതിനിധി സരിത സുരേഷ് രാജിവെച്ച ഒഴിവിലാണ് വാര്ഡില് തെരഞ്ഞെടുപ്പ് നടന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.