കൊച്ചി: സ്കൂളിൽ പോകാൻ സ്വകാര്യബസിൽ കയറിയ വിദ്യാർഥിയെ ജീവനക്കാരൻ തള്ളിയിട്ടു. നിലത്തുവീണ വിദ്യാർഥിക്ക് പരിക്ക്. ഇടപ്പള്ളി ഗവ. ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥിയായ ഇടപ്പള്ളി വട്ടേക്കുന്നം കണ്ണിക്കണ്ടത്തിൽ അനിലിെൻറ മകൻ അതുൽ ദേവിനാണ് പരിക്കേറ്റത്. വ്യാഴാഴ്ച രാവിലെ 8.30ഓടെ ഇടപ്പള്ളി കുന്നുംപുറം ബസ് സ്റ്റോപ്പിൽനിന്ന് പറവൂർ -എറണാകുളം റൂട്ടിൽ സർവിസ് നടത്തുന്ന ജിസ്ന എന്ന ബസിൽ സ്കൂളിലേക്ക് പോകാൻ കയറിയപ്പോഴാണ് വിദ്യാർഥികളെ ആക്ഷേപിച്ച് തള്ളിയിട്ടത്. പരിക്കേറ്റ അതുൽ സ്വകാര്യ ആശുപത്രിയിൽ ചികിത്സ തേടി. ഇടപ്പള്ളി ട്രാഫിക് പൊലീസിൽ പരാതി നൽകിയതായി ബന്ധുക്കൾ അറിയിച്ചു. എറണാകുളം-പറവൂർ റൂട്ടിൽ സർവിസ് നടത്തുന്ന ബസുകൾ വിദ്യാർഥികളെ കയറ്റുന്നതിൽ അമാന്തം കാണിക്കുന്നെന്ന് വ്യാപക പരാതിയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.