പൂന്തുറ: ഗൃഹനാഥനെ മര്ദിച്ച് പല്ലുകള് കൊഴിച്ച കേസിലെ പ്രതിയെ പൂന്തുറ പൊലീസ് അറസ്റ്റ് ചെയ്തു. പൂന്തുറ മേലാങ്കോട് ദേവീക്ഷേത്രത്തിനു സമീപം ടി.സി-75 /1135 ല് ജോയല് (22) ആണ് പിടിയിലായത്. വെളളിയാഴ്ച പകല് ബീമാപളളി സ്വദേശി യേശുദാസിനെ (57) പ്രതി വീടിനുസമീപം തടഞ്ഞുനിര്ത്തി ക്രൂരമായി മര്ദിക്കുകയായിരുന്നു. യേശുദാസിന്റെ മൂന്ന് പല്ലുകള് അടിച്ചു പറിച്ചതായി പൊലീസ് പറഞ്ഞു.
യേശുദാസിന്റെ മക്കളും ജോയലുമായുളള വിരോധമാണ് അക്രമത്തില് കലാശിച്ചത്. യേശുദാസ് നല്കിയ പരാതിയില് കേസെടുത്ത പൊലീസ് നടത്തിയ അന്വേഷണത്തിലാണ് പ്രതി പിടിയിലായത്. പൂന്തുറ എസ്.എച്ച്.ഒ സജീവ്, എസ്.ഐ ശ്രീജേഷ് എന്നിവരുടെ നേതൃത്വത്തിലുളള പൊലീസ് സംഘം അറസ്റ്റു ചെയ്ത പ്രതിയെ കോടതിയില് ഹാജരാക്കി റിമാന്ഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.