ബന്ധുവിനെ കൊലപ്പെടുത്തിയ കേസിൽ പ്രതിക്ക് ജീവപര്യന്തം

തി​രു​വ​ന​ന്ത​പു​രം: ബ​ന്ധു​വി​നെ കൊ​ല​പ്പെ​ടു​ത്തി​യ കേ​സി​ൽ പ്ര​തി​ക്ക് ജീ​വ​പ​ര്യ​ന്തം ത​ട​വും പി​ഴ​യും. മൊ​ബൈ​ൽ ഫോ​ൺ മോ​ഷ്ടി​ച്ചു എ​ന്ന് തെ​റ്റി​ദ്ധ​രി​ച്ചു​ള്ള വി​രോ​ധ​ത്താ​ൽ ഭ​ര​ത​ന്നൂ​ർ പാ​ലോ​ട്ടു​കോ​ണം വി​ദ്യാ​സ​ദ​നം വീ​ട്ടി​ൽ വി​ഷ്ണു​ശ​ങ്ക​റി​നെ വീ​ട്ടി​ൽ നി​ന്ന്​ വി​ളി​ച്ചി​റ​ക്കി കു​ത്തി​ക്കൊ​ല​പ്പെ​ടു​ത്തി​യ കേ​സി​ൽ ബ​ന്ധു​വാ​യ ക​ട​യ്ക്ക​ൽ ബൗ​ണ്ട​ർ മു​ക്ക് വ​ട്ട​മു​റ്റം സ്വ​ദേ​ശി സ​ജി കു​മാ​റി​നാ​ണ് ശി​ക്ഷ. തി​രു​വ​ന​ന്ത​പു​രം ഏ​ഴാം അ​ഡീ​ഷ​ണ​ൽ സെ​ഷ​ൻ​സ് കോ​ട​തി ജ​ഡ്ജി പ്ര​സൂ​ൺ മോ​ഹ​ൻ ജീ​വ​പ​ര്യ​ന്തം ത​ട​വി​നും ര​ണ്ട്​ ല​ക്ഷം രൂ​പ പി​ഴ ഒ​ടു​ക്കാ​നും ശി​ക്ഷി​ച്ചു.

ഒ​രു​മി​ച്ച് പെ​യി​ന്റി​ങ്​ പ​ണി​ക്കും മ​റ്റും പോ​യി​രു​ന്ന പ്ര​തി​യു​ടെ മൊ​ബൈ​ൽ ഫോ​ൺ വി​ഷ്ണു​ശ​ങ്ക​ർ എ​ടു​ത്തു​മാ​റ്റി എ​ന്ന് സം​ശ​യി​ച്ചാ​ണ് 2014 ജൂ​ലൈ 31ന്​ ​വീ​ട്ടി​ലെ​ത്തി പ്ര​തി കൃ​ത്യം ന​ട​ത്തി​യ​ത്. സം​ഭ​വം നേ​രി​ൽ ക​ണ്ട വി​ഷ്ണു​ശ​ങ്ക​റി​ന്റെ അ​മ്മൂ​മ്മ കു​ഞ്ഞു​ല​ക്ഷ്മി​യു​ടെ​യും അ​ച്ഛ​ൻ ശി​വ​ശ​ങ്ക​ര​പ്പി​ള്ള​യു​ടെ​യും മൊ​ഴി​ക​ളാ​ണ് കേ​സി​ൽ നി​ർ​ണാ​യ​ക​മാ​യ​ത്. പാ​ങ്ങോ​ട് പൊ​ലീ​സ് കു​റ്റ​പ​ത്രം ന​ൽ​കി​യ കേ​സി​ൽ പ്രോ​സി​ക്യൂ​ഷ​നു വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ കെ. ​വേ​ണി ഹാ​ജ​രാ​യി.