കാ​ർ ത​ട​ഞ്ഞ് ക​വ​ർ​ച്ച; ര​ണ്ടാ​മ​നും പി​ടി​യി​ൽ

തൃ​ശൂ​ർ: ന​ഗ​ര​ത്തി​ന് സ​മീ​പം കാ​ർ ത​ട​ഞ്ഞു​നി​ർ​ത്തി ക​ഴു​ത്തി​ൽ ക​ത്തി​വെ​ച്ച് യു​വാ​വി​ൽ​നി​ന്ന് പ​ണ​വും ആ​ഭ​ര​ണ​ങ്ങ​ളും മൊ​ബൈ​ൽ ഫോ​ണു​മ​ട​ക്കം ക​വ​ർ​ന്ന സം​ഭ​വ​ത്തി​ൽ ഒ​ളി​വി​ൽ​പോ​യ ര​ണ്ടാ​മ​നും പൊ​ലീ​സ് പി​ടി​യി​ലാ​യി. പാ​ടൂ​ക്കാ​ട് കും​ഭാ​ര​ക്കോ​ള​നി​യി​ൽ ഹ​രി​കൃ​ഷ്ണ​ൻ (ആ​ന​ര​വി) ആ​ണ് പി​ടി​യി​ലാ​യ​ത്.

ക​ഞ്ചാ​വ് കേ​സി​ല​ട​ക്കം നി​ര​വ​ധി കേ​സു​ക​ളി​ലെ പ്ര​തി​യാ​ണ് ഹ​രി​കൃ​ഷ്ണ​ൻ. കേ​സി​ൽ വ​ട​ക്കാ​ഞ്ചേ​രി പ​ന​ങ്ങാ​ട്ടു​ക​ര സ്വ​ദേ​ശി അ​നു​രാ​ജി​നെ സം​ഭ​വ​മു​ണ്ടാ​യ ഇ​ക്ക​ഴി​ഞ്ഞ 10നു​ത​ന്നെ പൊ​ലീ​സ് പി​ടി​കൂ​ടി​യി​രു​ന്നു. മ​ല​പ്പു​റം കാ​ളി​കാ​വ് സ്വ​ദേ​ശി പ്ര​ണ​വി​നെ​യാ​ണ് തി​രൂ​രി​ന് സ​മീ​പം പാ​മ്പൂ​രി​ൽ കാ​ർ ത​ട​ഞ്ഞ് ക​ത്തി​ചൂ​ണ്ടി പ​ണ​വും ആ​ഭ​ര​ണ​വും മൊ​ബൈ​ൽ ഫോ​ണും ക​വ​ർ​ന്ന​ത്.

കാ​ളി​കാ​വി​ൽ​നി​ന്ന് എ​റ​ണാ​കു​ള​ത്തേ​ക്ക് പോ​വു​ന്ന​തി​നി​ടെ പാ​മ്പൂ​ര്‍ റെ​യി​ല്‍വേ മേ​ൽ​പാ​ല​ത്തി​ന​ടു​ത്തെ​ത്തി​യ​പ്പോ​ള്‍ ബൈ​ക്കി​ലെ​ത്തി​യ അ​നു​രാ​ജും ഹ​രി​കൃ​ഷ്ണ​നും കാ​ര്‍ ത​ട​ഞ്ഞു​നി​ര്‍ത്തി പ്ര​ണ​വി​ന്റെ ക​ഴു​ത്തി​ല്‍ ക​ത്തി​വെ​ച്ച് ഭീ​ഷ​ണി​പ്പെ​ടു​ത്തി സ്വ​ര്‍ണ​മാ​ല​യും പ​ഴ്സും മൊ​ബൈ​ൽ ഫോ​ണും വാ​ച്ചും പി​ടി​ച്ചു​വാ​ങ്ങു​ക​യാ​യി​രു​ന്നു.

പാ​മ്പൂ​രി​ലെ വി​ജ​ന​മാ​യ സ്ഥ​ല​ത്താ​യി​രു​ന്നു ക​വ​ര്‍ച്ച. പൊ​ലീ​സി​ല്‍ അ​റി​യി​ച്ചാ​ൽ കൊ​ന്നു​ക​ള​യു​മെ​ന്നും സം​ഘം ഭീ​ഷ​ണി​പ്പെ​ടു​ത്തി​യെ​ങ്കി​ലും പ്ര​ണ​വ് ഉ​ട​ന്‍ വി​യ്യൂ​ര്‍ സ്റ്റേ​ഷ​നി​ലെ​ത്തി പ​രാ​തി​പ്പെ​ട്ട​തോ​ടെ പൊ​ലീ​സ് സ്ഥ​ല​ത്തെ​ത്തി ബൈ​ക്കി​ൽ ര​ക്ഷ​പ്പെ​ടാ​ൻ ശ്ര​മി​ച്ച അ​നു​രാ​ജി​നെ പി​ന്തു​ട​ർ​ന്ന് പി​ടി​കൂ​ടു​ക​യാ​യി​രു​ന്നു. ഹ​രി​കൃ​ഷ്ണ​ൻ ര​ക്ഷ​പ്പെ​ട്ട​തി​നാ​ൽ കി​ട്ടി​യി​രു​ന്നി​ല്ല. ഇ​യാ​ൾ​ക്കാ​യു​ള്ള തി​ര​ച്ചി​ലി​ലാ​യി​രു​ന്നു പൊ​ലീ​സ്. ഞാ​യ​റാ​ഴ്ച ഇ​യാ​ൾ പ്ര​ദേ​ശ​ത്തെ​ത്തി​യ വി​വ​ര​ത്തെ തു​ട​ർ​ന്ന് പൊ​ലീ​സ് നി​രീ​ക്ഷി​ച്ച് പി​ടി​കൂ​ടു​ക​യാ​യി​രു​ന്നു.