സെപ്റ്റംബര് നാലു മുതല് 11 വരെ പീച്ചി: പീച്ചി ഡാം പരിസരത്തും സമീപ പ്രദേശങ്ങളിലുമായി സംഘടിപ്പിക്കുന്ന പീച്ചി ഓണ മഹോത്സവത്തിന്റെ സംഘാടക സമിതി രൂപവത്കരിച്ചു. പാണഞ്ചേരി പഞ്ചായത്തും ജില്ല ടൂറിസം പ്രമോഷന് കൗണ്സിലും സംയുക്തമായി സംഘടിപ്പിക്കുന്ന പരിപാടികളുടെ നടത്തിപ്പിനായി മന്ത്രി കെ. രാജന് ചെയര്മാനായും പാണഞ്ചേരി പഞ്ചായത്ത് പ്രസിഡന്റ് പി.പി. രവീന്ദ്രന് കണ്വീനറായും സംഘാടക സമിതി രൂപവത്കരിച്ചു. സെപ്റ്റംബര് നാലിന് വിളംബര ഘോഷയാത്രയോടെയാണ് തുടക്കം. ഏഴ് ദിവസങ്ങളിലും വിവിധ കലാപരിപാടികള്, സംസ്കാരിക സായാഹ്നം, വടംവലി, പൂക്കള മത്സരങ്ങൾ, കാര്ണിവെല് എന്നിവ അരങ്ങേറും. പരിപാടിയുടെ നടത്തിപ്പിനായി 11 സബ് കമ്മിറ്റികള് രൂപവത്കരിക്കും. പാണഞ്ചേരി പഞ്ചായത്ത് പ്രസിഡന്റ് പി.പി. രവീന്ദ്രന്റെ അധ്യക്ഷതയില് ചേര്ന്ന യോഗം മന്ത്രി കെ. രാജന് ഉദ്ഘാടനം ചെയ്തു. ജില്ല ഡെവലപ്മെന്റ് കമീഷണര് ശിഖ സുരേന്ദ്രന്, ഡി.ടി.പി.സി സെക്രട്ടറി ബേബി ജോര്ജ്, ബ്ലോക്ക് പഞ്ചായത്ത് പ്രസിഡന്റ് കെ.ആര്. രവി, ജില്ല പഞ്ചായത്ത് അംഗങ്ങള് വിവിധ വകുപ്പ് ഉദ്യോഗസ്ഥര്, ജനപ്രതിനിധികള് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.