ജില്ല കോടതി സമുച്ചയം; സ്ഥലം ഏറ്റെടുക്കൽ പൂർത്തിയായി

പ​ത്ത​നം​തി​ട്ട: ദീ​ർ​ഘ​നാ​ള​ത്തെ കാ​ത്തി​രി​പ്പി​നൊ​ടു​വി​ൽ ജി​ല്ല ആ​സ്ഥാ​ന​ത്ത് കോ​ട​തി സ​മു​ച്ച​യം നി​ർ​മി​ക്കാ​ൻ സ്ഥ​ലം ഏ​റ്റെ​ടു​ക്ക​ൽ പൂ​ർ​ത്തി​യാ​യി. മേ​ലേ വെ​ട്ടി​പ്ര​ത്ത് റി​ങ്​ റോ​ഡ​രി​കി​ൽ ആ​റ്​ ഏ​ക്ക​ർ സ്ഥ​ല​മാ​ണ് ഏ​റ്റെ​ടു​ത്ത​ത്. 20 കോ​ടി​യാ​ണ്​ മാ​റ്റി​വെ​ച്ച​ത്. ഭൂ​മി​യു​ടെ അ​വാ​ർ​ഡ് ഡോ​ക്കു​മെ​ന്‍റേ​ഷ​നും സ​ബ്‌​ഡി​വി​ഷ​ൻ സ്കെ​ച്ചും എ​ൽ.​എ ത​ഹ​സി​ൽ​ദാ​ർ വി​ജു ക​ഴി​ഞ്ഞ ദി​വ​സം ജി​ല്ല ജ​ഡ്‌​ജി എ​ൻ. ഹ​രി​കു​മാ​റി​നു കൈ​മാ​റി.

പ​ത്ത​നം​തി​ട്ട​യി​ൽ സ്വ​ന്തം സ്ഥ​ല​ത്ത് സ​മു​ച്ച​യം വേ​ണ​മെ​ന്ന ആ​വ​ശ്യ​ത്തി​ന് ഒ​ന്ന​ര പ​തി​റ്റാ​ണ്ടി​ന്‍റെ പ​ഴ​ക്ക​മു​ണ്ട്. 2009ലാ​ണ് ഇ​തി​നു​ള്ള ഫ​യ​ൽ തു​റ​ന്ന​ത്. പാ​മ്പൂ​രി​പ്പാ​റ​യി​ലെ ജ​ല അ​തോ​റി​റ്റി ഓ​ഫി​സി​നു സ​മീ​പ​മാ​ണ് ആ​ദ്യം സ്ഥ​ലം ക​ണ്ട​ത്. ടൗ​ണി​ൽ​നി​ന്ന് ഒ​ഴി​ഞ്ഞ​തും യാ​ത്ര സൗ​ക​ര്യം ഇ​ല്ലാ​ത്ത​തും ക​ണ​ക്കി​ലെ​ടു​ത്ത് ഇ​വി​ടം ഒ​ഴി​വാ​ക്കി.

മേ​ലെ​വെ​ട്ടി​പ്പു​റ​ത്തെ ആ​റ്​ ഏ​ക്ക​ർ സ്ഥ​ലം ഏ​റ്റെ​ടു​ക്കു​ന്ന​തി​ന് 2012ൽ ​കൃ​ഷി വ​കു​പ്പി​ന്റെ അ​നു​മ​തി കി​ട്ടി. സ്ഥ​ല​ത്തി​ന്റെ ഉ​ട​മ​ക​ളു​മാ​യി 2015 മു​ത​ൽ 2017വ​രെ വി​ല​യെ സം​ബ​ന്ധി​ച്ച്​ വി​ല​പേ​ശ​ൽ ന​ട​ന്നു. അ​ന്ന​ത്തെ ജി​ല്ല ജ​ഡ്ജി ഭൂ​മി നേ​രി​ട്ട് ഏ​റ്റെ​ടു​ക്കാ​ൻ ശി​പാ​ർ​ശ ചെ​യ്‌​തു. ഇ​തി​നു​ള്ള സ​ർ​ക്കാ​ർ ന​ട​പ​ടി​തു​ട​ങ്ങി. സ്ഥ​ലം ഏ​റ്റെ​ടു​ക്കു​ന്ന​തി​ന് ആ​വ​ശ്യ​മാ​യ 50 ല​ക്ഷം ക​ണ്ടി​ൻ​ജ​ൻ​സി ചാ​ർ​ജ് ല​ഭി​ക്കാ​ൻ സ​ർ​ക്കാ​റി​നു സ​മ​ർ​പ്പി​ച്ച അ​പേ​ക്ഷ​യി​ൽ തീ​രു​മാ​ന​മാ​കാ​തെ നീ​ണ്ടു. ഇ​തി​നി​ടെ മേ​ലെ വെ​ട്ടി​പ്പു​റ​ത്തെ സ്ഥ​ലം ഒ​ഴി​വാ​ക്കി പു​തി​യ സ്ഥ​ലം ക​ണ്ടെ​ത്താ​ൻ ശ്ര​മം ന​ട​ന്നു.

സ​ർ​ക്കാ​റി​ന്‍റെ ഔ​ദ്യോ​ഗി​ക എ​തി​ർ​പ്പ് ഇ​ല്ലാ​തി​രു​ന്ന​തി​നാ​ൽ ഈ ​ഭൂ​മി മ​തി​യെ​ന്ന തീ​രു​മാ​ന​ത്തി​ൽ ഒ​ടു​വി​ൽ എ​ത്തി. 17 കോ​ടി​ക്ക് സ്ഥ​ലം ഏ​റ്റെ​ടു​ക്കാ​നും അ​വി​ടെ 100 കോ​ടി​യു​ടെ കോ​ട​തി സ​മു​ച്ച​യം പ​ണി​യു​ന്ന​തി​നും വേ​ണ്ട പ്ലാ​നും ത​യാ​റാ​ക്കി. ജി​ല്ല ജ​ഡ്‌​ജി​യു​ടെ മേ​ൽ​നോ​ട്ട​ത്തി​ൽ ആ​വ​ശ്യ​ങ്ങ​ൾ ത​യാ​റാ​ക്കി മ​രാ​മ​ത്ത് കെ​ട്ടി​ട വി​ഭാ​ഗ​ത്തി​നു സ​മ​ർ​പ്പി​ച്ചു. തു​ട​ർ​ന്ന്​ പ്ലാ​ൻ ത​യാ​റാ​യി സ്ഥ​ലം ഏ​റ്റെ​ടു​ക്കു​ന്ന​തി​നു​ള്ള ക​ണ്ടി​ൻ​ജ​ൻ​സി ചാ​ർ​ജ് അ​നു​വ​ദി​ക്കാ​നു​ള്ള അ​പേ​ക്ഷ​യി​ൽ പി​ന്നെ​യും തീ​രു​മാ​നം നീ​ണ്ടു.

തു​ട​ർ​ന്ന്​ ബാ​ർ അ​സോ​സി​യേ​ഷ​ൻ ഹൈ​കോ​ട​തി​യെ സ​മീ​പി​ച്ചു. കൂ​ടു​ത​ൽ വി​ല ആ​വ​ശ്യ​പ്പെ​ട്ട് വ​സ്തു‌ ഉ​ട​മ​ക​ൾ ന​ൽ​കി​യ​തും ബാ​ർ അ​സോ​സി​യേ​ഷ​ന്റെ​യും ഹ​ര​ജി​ക​ൾ ഒ​രു​മി​ച്ച് കോ​ട​തി പ​രി​ഗ​ണി​ച്ചു. വ​സ്തു​വി​ന് 27 കോ​ടി ന​ൽ​കേ​ണ്ട​തി​ല്ല​ന്നും സെ​ന്‍റി​ന്​ 12,500 രൂ​പ വി​ല ന​ൽ​കി​യാ​ൽ മ​തി​യെ​ന്നും കോ​ട​തി നി​ർ​ദേ​ശി​ച്ചു.

ജി​ല്ല​യു​ടെ ചു​മ​ത​ല​യു​ള്ള ഹൈ​കോ​ട​തി​യി​ലെ ജ​സ്റ്റ‌ി​സ് പി. ​ഗോ​പി​നാ​ഥ് കോ​ട​തി സ​മു​ച്ച​യ​ത്തി​നു​ള്ള സ്ഥ​ല​വും മി​നി സി​വി​ൽ സ്‌​റ്റേ​ഷ​നി​ലെ സ്ഥ​ല പ​രി​മി​തി​ക​ളും പ​രി​ശോ​ധി​ച്ച് മ​ന​സ്സി​ലാ​ക്കി സ്‌​ഥ​ലം ഏ​റ്റെ​ടു​ക്കേ​ണ്ട​തി​ന്‍റെ ആ​വ​ശ്യ​ക​ത ബോ​ധ്യ​പ്പെ​ട്ട് കോ​ട​തി സ്വ​മേ​ധ​യ കേ​സ് എ​ടു​ത്തു. തു​ട​ർ​ന്ന് സ്ഥ‌​ലം ഏ​റ്റെ​ടു​ക്കാ​ർ 20 കോ​ടി അ​നു​വ​ദി​ച്ചു.

ന​ഷ്ട​പ​രി​ഹാ​രം അ​വ​രു​ടെ ബാ​ങ്ക് അ​ക്കൗ​ണ്ടി​ലും എ​ത്തി. റ​വ​ന്യൂ വ​കു​പ്പി​ൽ​നി​ന്ന്​ സ്ഥ​ലം ഏ​റ്റെ​ടു​ത്ത​തി​ന്റെ മ​ഹ​സ​ർ രേ​ഖ​ക​ൾ ജി​ല്ല കോ​ട​തി ഓ​ഫി​സി​ന് കൈ​മാ​റി സ്ഥ​ല​ത്തി​ന്‍റെ അ​വാ​ർ​ഡ് രേ​ഖ​ക​ളും സ​ബ് ഡി​വി​ഷ​ൻ സ്കെ​ച്ചും സ്ഥ ​ല​മെ​ടു​പ്പ് ത​ഹ​സി​ൽ​ദാ​ർ ഔ​ദ്യോ​ഗി​ക​മാ​യി പ്രി​ൻ​സി​പ്പ​ൽ ജി​ല്ല സെ​ഷ​ൻ​സ് ജ​ഡ്‌​ജി​ക്ക് കൈ​മാ​റി. ച​ട​ങ്ങി​ൽ ജി​ല്ല ബാ​ർ അ​സോ​സി​യേ​ഷ​ൻ പ്ര​സി​ഡ​ന്‍റ്​ സാം ​കോ​ശി, സെ​ക്ര​ട്ട​റി ടി.​എ​ച്ച്. സി​റാ​ജു​ദീ​ൻ, ട്ര​ഷ​റ​ർ ജോ​മോ​ൻ കോ​ശി എ​ന്നി​വ​ർ പ​ങ്കെ​ടു​ത്തു.