വി​ല്ലേ​ജ് ഒാ​ഫി​സു​ക​ൾ മാ​റ്റി ന​ട്ടം​തി​രി​ഞ്ഞ് നാ​ട്ടു​കാ​ർ

നെ​ന്മാ​റ: ടൗ​ണി​ൽ പ്ര​വ​ർ​ത്തി​ച്ചി​രു​ന്ന നെ​ന്മാ​റ, വ​ല്ല​ങ്ങി വി​ല്ലേ​ജ് ഒാ​ഫി​സു​ക​ൾ സ്ഥ​ലം മാ​റി​യ​ത് നാ​ലു​മാ​സം മു​മ്പാ​ണ്. എ​ന്നാ​ൽ, വി​വി​ധ ആ​വ​ശ്യ​ങ്ങ​ൾ​ക്കാ​യി വി​ല്ലേ​ജ് ഒാ​ഫി​സി​ലെ​ത്തു​ന്ന​വ​ർ അ​നേ​ക ദൂ​രം സ​ഞ്ച​രി​ച്ചു​വേ​ണം ഇ​വി​ടെ​യെ​ത്താ​ൻ. ഇ​ത് നാ​ട്ടു​കാ​രെ കു​റ​ച്ചൊ​ന്നു​മ​ല്ല വ​ല​ക്കു​ന്ന​ത്. നെ​ന്മാ​റ വി​ല്ലേ​ജ് ഗ്രാ​മ​പ​ഞ്ചാ​യ​ത്ത് ഒാ​ഫി​സി​ന​ടു​ത്തും വ​ല്ല​ങ്ങി വി​ല്ലേ​ജ് വി​ത്ത​ന​ശ്ശേ​രി ബ്ലോ​ക്ക് പ​ഞ്ചാ​യ​ത്ത് ഒാ​ഫി​സി​ലു​മാ​ണ് ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്.

കെ​ട്ടി​ട​ങ്ങ​ളു​ടെ ദു​ർ​ബ​ലാ​വ​സ്ഥ​യെ​ത്തു​ട​ർ​ന്നാ​ണ് ഓ​ഫി​സു​ക​ൾ നാ​ലു​മാ​സം മു​മ്പ് താ​ൽ​ക്കാ​ലി​ക​മാ​യി മാ​റ്റി​യ​ത്. കെ​ട്ടി​ട​ങ്ങ​ൾ പു​തു​ക്കി​പ്പ​ണി​ത ശേ​ഷം പ​ഴ​യ സ്ഥ​ല​ത്തേ​ക്ക് മാ​റ്റു​മെ​ന്നാ​ണ് റ​വ​ന്യൂ അ​ധി​കൃ​ത​ർ പ​റ​യു​ന്ന​ത്. എ​ന്നാ​ൽ, ഇ​പ്പോ​ൾ വ​ല്ല​ങ്ങി വി​ല്ലേ​ജി​ൽ ഉ​ൾ​പ്പെ​ടു​ന്ന പോ​ത്തു​ണ്ടി​യി​ൽ​നി​ന്നും 13 കി​ലോ​മീ​റ്റ​ർ താ​ണ്ടി ര​ണ്ടു ബ​സു​ക​ൾ മാ​റി​ക്ക​യ​റി വേ​ണം വി​ത്ത​ന​ശ്ശേ​രി​യി​ലെ വി​ല്ലേ​ജ് ഒാ​ഫി​സി​ലെ​ത്താ​ൻ. അ​തു​പോ​ലെ നേ​ര​േ​ത്ത ന​ട​ന്നെ​ത്താ​വു​ന്ന ദൂ​രെ​യാ​യി​രു​ന്നു ക​ണി​മം​ഗ​ല​ത്തെ നാ​ട്ടു​കാ​ർ​ക്ക് നെ​ന്മാ​റ വി​ല്ലേ​ജ് ഒാ​ഫി​സ്. ഇ​പ്പോ​ൾ മൂ​ന്നു കി​ലോ​മീ​റ്റ​ർ ബ​സി​ൽ സ​ഞ്ച​രി​ച്ചു വേ​ണം ഇ​വി​ടെ​യെ​ത്താ​ൻ. അ​ധി​കം യാ​ത്ര ചെ​യ്യാ​തെ​യെ​ത്താ​ൻ പ​റ്റി​യ സൗ​ക​ര്യ​പ്ര​ദ​മാ​യ സ്ഥ​ല​ത്ത് വി​ല്ലേ​ജ് ഒാ​ഫി​സ് വേ​ണ​മെ​ന്ന ആ​വ​ശ്യ​ത്തി​ലാ​ണ് നാ​ട്ടു​കാ​ർ.