തീപടർന്നത്​ കേബിളിലെ ഷോർട്ട്​ സർക്യൂട്ടിൽ നിന്നെന്ന്​

പാലക്കാട്​: തീപടർന്ന്​ നഗരത്തിലെ രണ്ട്​ ഭക്ഷ്യശാലകൾ കത്തിനശിച്ച സംഭവത്തിൽ അഗ്​നിബാധയുണ്ടായത് വൈദ്യുത കേബിളിലുണ്ടായ ഷോർട്ട്​​ സർക്യൂ​ട്ടിൽ നിന്നെന്ന്​. ഒാപ്പൺ ഗ്രിൽ റസ്​റ്റാറൻറിലേക്കുള്ള വൈദ്യുത കേബിളിൽ തീപ്പൊരി കണ്ടതായി ജീവനക്കാർ കഴിഞ്ഞ ദിവസം തന്നെ വെളിപ്പെടുത്തിയിരുന്നു. ഇവിടെ നിന്ന്​ കേബിൾ വഴിയെത്തിയ തീ തുടർന്ന്​ എക്സോസ്​റ്റ്​ ഫാനിലേക്കുള്ള കേബിൾ വഴി വിവിധയിടങ്ങളിലേക്ക്​ പടരുകയായിരുന്നുവെന്ന നിഗമനത്തിലാണ്​ അധികൃതരും എത്തിച്ചേർന്നിരിക്കുന്നത്​. ​

പരിശോധനകൾ ഉൗർജിതമാക്കും

കഴിഞ്ഞ ദിവസം തീപ്പിടിത്തമുണ്ടായതടക്കം ​ഭക്ഷണശാലകളിൽ പുതുക്കിയ അഗ്നിസുരക്ഷാമാനദണ്ഡങ്ങൾ ഉറപ്പുവരുത്തിയിരുന്നില്ല. നഗരത്തിലെ മിക്ക കെട്ടിടങ്ങളും പതിറ്റാണ്ടുകൾ പഴക്കമുള്ളതാണ്​. തദ്ദേശ ഭരണകൂടം കണ്ണടക്കു​േമ്പാൾ ഇവയിൽ പലതും വലിയ കെട്ടിടങ്ങളായി രൂപാന്തരം പ്രാപിക്കും. അഗ്നിസുരക്ഷാനിയമങ്ങളാക​െട്ട പണിയുന്ന സമയത്ത്​ ബാധകമായിരുന്നതല്ല എന്ന രീതിയിൽ അട്ടിമറിക്കുകയും ചെയ്യും. ജില്ലയിൽ കഴിഞ്ഞ 10 മാസത്തിനിടെ ആയിരത്തഞ്ഞൂറോളം കെട്ടിടങ്ങളിലാണ്​ ഫയർഫോഴ്​സ്​ സുരക്ഷാപരിശോധന നടത്തിയത്​. കെട്ടിടങ്ങളിൽ 70 ശതമാനത്തോളവും മതിയായ സുരക്ഷാപരിശോധനയില്ലാതെയാണ്​ പ്രവർത്തിക്കുന്നതെന്ന്​ കണ്ടെത്തുകയും ചെയ്​തു​. ഇവയുമായി ബന്ധപ്പെട്ട വിവരങ്ങൾ നടപടികൾക്കായി അതത്​ തദ്ദേശ ഭരണസ്ഥാപനങ്ങൾക്കും കലക്​ടർക്കും കൈമാറിയിട്ടുണ്ടെന്ന്​ ജില്ല ഫയർ ഒാഫിസർ അരുൺ ഭാസ്​കർ 'മാധ്യമ'ത്തോട്​ പറഞ്ഞു. വരും ദിവസങ്ങളിൽ നഗരത്തിലടക്കം ജില്ലയുടെ വിവിധ ഭാഗങ്ങളിൽ പരിശോധനകൾ സംഘടിപ്പിക്കുമെന്നും അദ്ദേഹം പറഞ്ഞു.

അവഗണനയുടെ അരക്കില്ലങ്ങൾ

നിയമലംഘനങ്ങൾക്കെതിരെ അഗ്നിരക്ഷാസേനക്ക്​ നേരിട്ട്​ നടപടി സ്വീകരിക്കാൻ അധികാരമില്ലാത്തതാണ്​ നിയമലംഘകർ മുതലെടുക്കുന്നത്​. തദ്ദേശഭരണ സ്ഥാപനങ്ങളിലടക്കം സ്വാധീനം ചെലുത്തി അഗ്നിസുരക്ഷ മാനദണ്ഡങ്ങൾ കാറ്റിൽ പറത്തി പ്രവർത്തിക്കുന്ന സ്ഥാപനങ്ങൾ ജില്ലയിൽ നിരവധിയാണ്​.

ജില്ലയിൽ പതിനാലോളം ആശു​പത്രികൾ ആവശ്യമായ അഗ്​നിസുരക്ഷ മാനദണ്ഡങ്ങൾ പാലിക്കാതെ പ്രവർത്തിക്കുന്നുവെന്നറിയു​േമ്പാഴാണ്​ സംഭവത്തി​െൻറ ഗൗരവം മനസ്സിലാവുക. പാലക്കാട്​ നഗരത്തിൽ മാത്രം മൂന്ന്​ ആശുപത്രികൾ പോലും ഇങ്ങനെ പ്രവർത്തിക്കുന്ന​ുണ്ടെന്ന്​ അഗ്നിസുരക്ഷാസേനയുടെ കണക്കുകൾ വ്യക്തമാക്കുന്നു.