ശ്രമദാനത്തിലൂടെ തിരുണ്ടി തോട് നവീകരിച്ചു

ഒറ്റപ്പാലം: തൊഴിലുറപ്പ് തൊഴിലാളികളുടെ സന്നദ്ധ ശ്രമദാനത്തിലൂടെ അമ്പലപ്പാറ പഞ്ചായത്തിലെ മലപ്പുറം വാർഡിലെ തിരുണ്ടി തോട് നവീകരിച്ചു. ആസാദി കാ അമൃത് മഹോത്സവത്തിന്‍റെ ഭാഗമായി നടന്ന ശ്രമദാനത്തിൽ നൂറുദിവസം പൂർത്തിയാക്കിയ തൊഴിലുറപ്പ് തൊഴിലാളികൾക്കൊപ്പം സന്നദ്ധ പ്രവർത്തകരും പങ്കെടുത്തു. ഭാവിയിലേക്ക് ജലസ്രോതസ്സുകൾ സുരക്ഷിതമാക്കുക എന്ന ലക്ഷ്യമാണ് ഉദ്യമത്തിന് പിന്നിലെന്ന് പഞ്ചായത്ത് അധികൃതർ പറഞ്ഞു. പഞ്ചായത്ത് പ്രസിഡൻറ് പി. വിജയലക്ഷ്‍മി ഉദ്‌ഘാടനം ചെയ്തു. pew_otp_ 2 തിരുണ്ടി തോട് നവീകരണത്തിന്‍റെ ഉദ്‌ഘാടനം അമ്പലപ്പാറ പഞ്ചായത്ത് പ്രസിഡൻറ് പി. വിജയ ലക്ഷ്മി നിർവഹിക്കുന്നു