ചുള്ളിയാർ ഡാമിന്​ ഭീഷണിയായി ആൽമരങ്ങൾ

കൊല്ലങ്കോട്: ചുള്ളിയാർ ഡാമിലെ ആൽമരങ്ങൾ ഭീഷണിയാവുന്നു. 15 വർഷത്തിലധികമായി വളരുന്ന അഞ്ചിലധികം ആൽമരങ്ങളാണ് ഡാമിന്​ ഭീഷണിയാകുന്നത്. രണ്ടാമത്തെ ഷട്ടറിനും മൂന്നാമത്തെ ഷട്ടറിനും സമീപമാണ്​ ആൽമരങ്ങൾ വളരുന്നത്. ആൽമരങ്ങളുടെ മുകൾ ഭാഗത്തേക്ക് വളരുന്ന ശിഖരങ്ങൾ മുറിച്ചുമാറ്റുക മാത്രമാണ്​ ചെയ്യുന്നത്​. ഇവയുടെ വേരുകൾ ഡാമി​ൻെറ ഭിത്തിക്ക്​ ബലക്ഷയമുണ്ടാക്കുമെന്നും ഇവ പൂർണമായി നീക്കണമെന്നുമാണ്​ നാട്ടുകാരുടെ ആവശ്യം. വരുംദിവസങ്ങളിൽ മരങ്ങൾ നീക്കാൻ നടപടി സ്വീകരിക്കുമെന്ന്​ ഇറിഗേഷൻ വകുപ്പ് അധികൃതർ പറഞ്ഞു. PEW - KLGD ചുള്ളിയാർ ഡാം പ്രധാന ഷട്ടറിനടുത്ത കരിങ്കൽക്കെട്ടിൽ വളരുന്ന ആൽമരം