ബൈക്കിലിടിച്ച് നിർത്താതെ പോയ കാർ മരത്തിലിടിച്ച് തകർന്നു

പെരിങ്ങോട്ടുകുറുശ്ശി: അമിത വേഗതയിൽ നിയന്ത്രണം വിട്ട് ബൈക്കിലിടിച്ച് നിർത്താതെ പോയ കാർ പാതയോരത്തെ മരത്തിലിടിച്ച് നിന്നു. കാറി​ൻെറ മുൻവശം പാടേ തകർന്നു. പെരിങ്ങോട്ടുകുറുശ്ശി ഒടുവങ്കാടാണ് അപകടം. ചൊവ്വാഴ്ച രാത്രി തോട്ടുമുക്ക് ഭാഗത്തുനിന്ന് കോട്ടായിയിലേക്ക് പോവുകയായിരുന്ന കാർ ഒടുവങ്കാട് പഞ്ചായത്ത് കിണറിനടുത്ത് ബൈക്കിൽ ഇടിച്ച്​ നിർത്താതെ പോവുകയായിരുന്നു. ഒരു കിലോമീറ്റർ അകലെ മനക്കൽപടി ഭാഗത്തെ പാതയോരത്തെ മരത്തിലിടിച്ചു. കാർ യാത്രക്കാരായ കോട്ടായി ചേന്ദംകാട് സ്വദേശികൾക്കും ബൈക്ക് യാത്രികനും പരിക്കേറ്റതായി കോട്ടായി പൊലീസ് പറഞ്ഞു. PE_PRY - 1: പെരിങ്ങോട്ടുകുറുശ്ശി മനക്കൽപടിയിൽ മരത്തിലിടിച്ച് തകർന്ന കാർ