ഫിർദൗസ്
ചേലേമ്പ്ര: പൊലീസുകാരുടെ ഡ്യൂട്ടി തടസ്സപ്പെടുത്തിയ കേസിൽ യുവാവ് അറസ്റ്റിൽ. തേഞ്ഞിപ്പലം നമ്പില്ലത് പുറായ് ഫിർദൗസിനെ (38)യാണ് തേഞ്ഞിപ്പലം പൊലീസ് അറസ്റ്റ് ചെയ്തത്. വിവിധ കേസുകളുമായി ബന്ധപ്പെട്ട് പൊലീസുകാരുടെ ഡ്യൂട്ടി തടസ്സപ്പെടുത്തുന്നതുൾപ്പെടെ വിവിധ കേസുകളിൽ സ്ഥിരം കുറ്റവാളിയാണ് ഇയാളെന്ന് പൊലീസ് പറഞ്ഞു.
12ന് രാത്രി 9.30 ന് കാലിക്കറ്റ് യൂനിവേഴ്സിറ്റി ലേഡീസ് ഹോസ്റ്റൽ പരിസരത്തുവെച്ച് ഓട്ടോ ഡ്രൈവറെ ആക്രമിച്ചു പരിക്കേൽപിച്ച വിവരം ലഭിച്ചതിന്റെ അടിസ്ഥാനത്തിൽ സ്ഥലത്തെത്തിയ തേഞ്ഞിപ്പലം പൊലീസ് സ്റ്റേഷനിലെ പൊലീസുകാരുടെ ഡ്യൂട്ടി തടസ്സപ്പെടുത്തി സംഘർഷം ഉണ്ടാക്കിയ കേസിലാണ് ഇയാളെ അറസ്റ്റ് ചെയ്തത്. തേഞ്ഞിപ്പലം എസ്.എച്ച്.ഒ അബ്ദു ജലീൽ കറുത്തേടത്ത്, എസ്.ഐ എം.എസ്. സത്യജിത്, എ.എസ്.ഐ രജീഷ്, എസ്.സി.പി.ഒ എം. റഫീഖ്, സി.പി.ഒ അഖിൽ എന്നിവരടങ്ങുന്ന സംഘമാണ് അറസ്റ്റ് ചെയ്തത്. ഇയാളുടെ പേരിൽ പത്തോളം കേസുകളുള്ളതായി പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.