തെരുവുനായ്ക്കൾ ആടുകളെ കടിച്ചുകൊന്നു

നാദാപുരം: ഇയ്യങ്കോട് തെരുവുനായ്ക്കൾ ഗർഭിണികളായ ആടുകളെ കടിച്ചുകൊന്നു. പുത്തൻപുരയിൽ അന്ത്രുവി​ൻെറ രണ്ട്​ ആടുകളെ വെള്ളിയാഴ്ച പുലർച്ചയോടെ തെരുവുനായ്ക്കൾ കൂടുതകർത്ത് കടിച്ചുകൊല്ലുകയായിരുന്നു. ടൗണുകളിലെ ഹോട്ടലുകളും മറ്റും അടച്ചതോടെ ഭക്ഷണം തേടി കൂട്ടത്തോടെ നായ്ക്കൾ ഉൾപ്രദേശങ്ങളിലേക്ക് ചേക്കേറിയിരിക്കുകയാണ്. നായ്​ ശല്യം കാരണം ഇയ്യങ്കോടും പരിസര പ്രദേശങ്ങളിലും പകൽസമയത്തുപോലും ഒറ്റക്ക്​ പുറത്തിറങ്ങാൻ പറ്റാത്ത അവസ്ഥയിലാണെന്ന് നാട്ടുകാർ പറയുന്നു.