അജ്ഞാതജീവി ആക്രമണം: അഞ്ച്​ ആടുകൾ ചത്തു

ചങ്ങരംകുളം: എറവക്കാട് മുള്ളൻകുന്ന് പ്രദേശത്ത് അജ്ഞാത ജീവിയുടെ ആക്രമണത്തിൽ അഞ്ച്​ ആടുകളെ ചത്ത നിലയിൽ കാണപ്പെട്ടു. ശനിയാഴ്ച രാത്രിയാണ് സംഭവം. നടുവിലവളപ്പിൽ ബഷീറിന്‍റെ വീട്ടിലെ ആടുകളാണ് ഇവ. ആട്ടിൻകൂട് തകർത്ത നിലയിലാണ് കാണുന്നത്. ചത്ത ആടുകൾക്ക് കാര്യമായ പരിക്കുകളില്ലാത്തതിനാൽ തെരുവുനായ്​ ആക്രമണമല്ലെന്നാണ് നിഗമനം. ഒരുമാസം മുമ്പ്​ ചിയ്യാനൂരിൽ സമാനരീതിയിലുള്ള ആക്രമണത്തിൽ ഏഴ് ആടുകൾ ചത്തിരുന്നു. ഫോട്ടോ അജ്ഞാത ജീവി ആക്രമണത്തിൽ ചത്ത ആടുകൾ