സൂരജ് വധം; നാടിനെ നടുക്കിയ കൊലപാതകം നിസ്സാര കാര്യത്തിന്റെ പേരിൽ

കോ​ഴി​ക്കോ​ട്: നാ​ടി​നെ ന​ടു​ക്കി ഇ​രു​പ​തു​കാ​ര​നെ ക്രൂ​ര​മാ​യി മ​ർ​ദി​ച്ച് കൊ​ല​പ്പെ​ടു​ത്തി​യ​ത് വി​ദ്യാ​ർ​ഥി​ക​ൾ ത​മ്മി​ലു​ള്ള നി​സ്സാ​ര ത​ർ​ക്ക​ത്തി​ന്റെ പേ​രി​ൽ. മ​രി​ച്ച മാ​യ​നാ​ട് പാ​ല​ക്കോ​ട്ടു​വ​യ​ൽ സ്വ​ദേ​ശി സൂ​ര​ജി​ന്റെ സു​ഹൃ​ത്താ​യ അ​ശ്വ​ന്തും അ​റ​സ്റ്റി​ലാ​യ വി​ജ​യ് മ​നോ​ജും പ​ഠി​ക്കു​ന്ന​ത് ചാ​ത്ത​മം​ഗ​ലം എ​സ്.​എ​ൻ.​ഇ.​എ​സ് കോ​ള​ജി​ലാ​ണ്. കോ​ള​ജ് കാ​മ്പ​സി​ൽ കാ​ർ ക​യ​റ്റി​യ​തു​മാ​യി ബ​ന്ധ​പ്പെ​ട്ട് ജൂ​നി​യ​ർ, സീ​നി​യ​ർ വി​ദ്യാ​ർ​ഥി​ക​ളാ​യ ഇ​രു​വ​രും ത​മ്മി​ൽ നേ​ര​ത്തേ ചെ​റി​യ ക​ശ​പി​ശ​യു​ണ്ടാ​യി​രു​ന്നു. ഇ​തി​നെ ചൊ​ല്ലി പ​ല​കു​റി ഭീ​ഷ​ണി​പ്പെ​ടു​ത്ത​ലു​മു​ണ്ടാ​യി. അ​തി​നി​ടെ​യാ​ണ് ശ​നി​യാ​ഴ്ച രാ​ത്രി അ​ശ്വ​ന്ത് പാ​ല​ക്കോ​ട്ടു​വ​യ​ൽ തി​രു​ത്തി​ക്കാ​വ് ക്ഷേ​ത്ര ഉ​ത്സ​വ​ത്തി​നെ​ത്തു​ന്ന​ത്. ഇ​വി​ടെ​വെ​ച്ച് വി​ജ​യും കൂ​ട്ടാ​ളി​ക​ളും അ​ശ്വ​ന്തി​നെ ത​ട​ഞ്ഞ​​തോ​ടെ​യാ​ണ് പ്ര​ശ്ന​ങ്ങ​ളു​ടെ തു​ട​ക്കം.

ഇ​തോ​ടെ സൂ​ര​ജ് സു​ഹൃ​ത്താ​യ അ​ശ്വ​ന്തി​നാ​യി ഇ​ട​പെ​ട്ടു. ഇ​തി​ൽ പ്ര​തി​ക​ൾ​ക്ക് സൂ​ര​ജി​നോ​ട് വൈ​രാ​ഗ്യ​മാ​യി. ആ​ദ്യം പ്ര​ശ്നം പ​റ​ഞ്ഞു​തീ​ർ​ത്ത് പി​ൻ​വാ​ങ്ങി​യെ​ങ്കി​ലും വി​ജ​യ് യു​ടെ പി​താ​വ് മ​നോ​ജ് ഉ​ൾ​പ്പെ​ടെ​യു​ള്ള​വ​ർ പ്ര​കോ​പ​നം മു​ഴ​ക്കു​ക​യും ഇ​രു​വ​രും ത​മ്മി​ൽ ത​ല്ലി​ത്തീ​ർ​ത്തോ​​ട്ടെ എ​ന്ന​ട​ക്കം പ​റ​യു​ക​യും ചെ​യ്ത​തോ​ടെ​യാ​ണ് വീ​ണ്ടും പ്ര​ശ്നം തു​ട​ങ്ങി​യ​ത്. പ്ര​ശ്നം പ​റ​ഞ്ഞു​തീ​ർ​ക്കാ​മെ​ന്ന് പ​റ​ഞ്ഞാ​ണ് അ​ക്ര​മി​സം​ഘം സൂ​ര​ജി​നെ ​മ​റ്റൊ​രി​ട​ത്തേ​ക്ക് കൂ​ട്ടി​ക്കൊ​ണ്ടു​​പോ​യ​ത്. അ​വി​ടെ​വെ​ച്ച് സം​സാ​രി​ക്കു​ന്ന​തി​നി​ടെ വീ​ണ്ടും ത​ർ​ക്ക​മു​ണ്ടാ​വു​ക​യും അ​റ​സ്റ്റി​ലാ​യ പ്ര​തി​ക​ള​ട​ക്കം 15ലേ​റെ പേ​ർ സൂ​ര​ജി​നെ ക്രൂ​ര​മാ​യി മ​ർ​ദി​ക്കു​ക​യുമാ​യി​രു​ന്നു​വ​ത്രെ.

വ​യ​റി​ന് കു​ത്തേ​റ്റ സൂ​ര​ജ് നി​ല​ത്ത് വീ​ണ​പ്പോ​ഴും അ​ക്ര​മി​ക​ൾ ശ​രീ​ര​മാ​സ​ക​ലം ച​വി​ട്ടി. ഇ​താ​ണ് ഗു​രു​ത​ര പ​രി​ക്കാ​യ​ത്. ചെ​രി​പ്പി​ട്ടു​ള്ള ശ​ക്ത​മാ​യ ച​വി​ട്ടി​ൽ വാ​രി​യെ​ല്ലി​നും ക​ഴു​ത്തി​നും ഗു​രു​ത​ര പ​രി​ക്കേ​റ്റ​താ​ണ് മ​ര​ണ​​കാ​ര​ണം. ബോ​ധ​ര​ഹി​ത​നാ​യ സൂ​ര​ജി​നെ നാ​ട്ടു​കാ​ർ ഇ​ട​പെ​ട്ടാ​ണ് അ​ർ​ധ​രാ​ത്രി മെ​ഡി​ക്ക​ൽ കോ​ള​ജ് ആ​​ശു​പ​ത്രി​യി​ൽ എ​ത്തി​ച്ച​ത്. രാ​ത്രി​ത​ന്നെ സൂ​ര​ജ് മ​രി​ച്ചു. ക​ഴു​ത്തി​നേ​റ്റ ഗു​രു​ത​ര പ​രി​ക്കി​നെ​തു​ട​ർ​ന്ന് ശ്വാ​സം മു​ട്ടി​യാ​ണ് സൂ​ര​ജി​ന്റെ മ​ര​ണ​മെ​ന്നാ​ണ് മെ​ഡി​ക്ക​ൽ കോ​ള​ജി​ൽ ന​ട​ന്ന പോ​സ്റ്റ്മോ​ർ​ട്ട​ത്തി​ൽ പ്രാ​ഥ​മി​ക​മാ​യി വ്യ​ക്ത​മാ​യ​ത്. പ്ര​തി​ക​ളു​ടെ മൊ​ബൈ​ൽ ഫോ​ണു​ക​ൾ ഉ​ൾ​പ്പെ​ടെ കേ​സ​ന്വേ​ഷി​ക്കു​ന്ന ചേ​വാ​യൂ​ർ പൊ​ലീ​സ് ക​സ്റ്റ​ഡി​യി​ലെ​ടു​ത്തി​ട്ടു​ണ്ട്.