നടുവണ്ണൂർ: കാവുന്തറ സമഭാവന തിയറ്റേഴ്സ് സംഘടിപ്പിക്കുന്ന ആയിരം ഓർമകൾ കെ.ടി. ബഷീർ സ്മൃതി സായാഹ്നം ജനുവരി 10ന് വിവിധ പരിപാടികളോടെ നടക്കുമെന്നു ഭാരവാഹികൾ വാർത്തസമ്മേളനത്തിൽ അറിയിച്ചു. വൈകീട്ട് 4.30ന് പുരുഷൻ കടലുണ്ടി എം.എൽ.എ ഉദ്ഘാടനം ചെയ്യും. കാവുന്തറ എ.യു.പി സ്കൂൾ ഓഡിറ്റോറിയത്തിൽ നടക്കുന്ന ചടങ്ങിൽ ഈ വർഷത്തെ കാൻ കാവിൽ ശബ്ദകല പുരസ്കാരം നേടിയ ശ്രീകല സന്തോഷിന് നാടക സംവിധായകൻ ജയൻ തിരുമന പുരസ്കാരം സമർപ്പിക്കും. കേരള ഫോക്ലോർ അക്കാദമി ഗുരുപൂജ പുരസ്കാരം നേടിയ പപ്പൻ കാവിലിനെ അനുമോദിക്കും. ബഷീർ ഓർമദിനത്തോടനുബന്ധിച്ച് വർഷംതോറും നടത്തിവരാറുള്ള ജീവകാരുണ്യ പ്രവർത്തനത്തിൻെറ ഭാഗമായി ചികിത്സ സഹായവും വിതരണംചെയ്യും. വാർത്തസമ്മേളനത്തിൽ കാവിൽ പി. മാധവൻ, എം.എം. മനോജ്, പി.സി. മധുസൂദനൻ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.