അരുംകൊലയ്ക്ക് പിന്നിൽ വ്യക്​തി വൈരാഗ്യം, ഭാര്യ ഉപേക്ഷിച്ചതിലെ പക

കോ​ട്ട​യം: മോ​ഷ​ണ​ക്കേ​സി​ൽ ജ​യി​ലി​ലാ​യ​തി​നെ തു​ട​ർ​ന്ന്​ ഭാ​ര്യ ഉ​പേ​ക്ഷി​ച്ച​തി​ലെ ക​ടു​ത്ത പ​ക തീ​ർ​ക്കാ​നാ​ണ്​ വ്യ​വ​സാ​യി വി​ജ​യ​കു​മാ​റി​നെ​യും ഭാ​ര്യ മീ​ര​യേ​യും അ​തി​ക്രൂ​ര​മാ​യി പ്ര​തി അ​മി​ത്​ കൊ​ല​പ്പെ​ടു​ത്തി​യ​തെ​ന്ന്​ മൊ​ഴി. മൂ​ന്ന്​ വ​ർ​ഷ​ത്തോ​ളം വി​ജ​യ​കു​മാ​റി​ന്‍റെ വീ​ട്ടി​ലും ഓ​ഡി​റ്റോ​റി​യ​ത്തി​ലും വി​ശ്വ​സ്ത​നാ​യി ജോ​ലി ചെ​യ്തി​രു​ന്ന പ്ര​തി ഇ​വ​രു​ടെ മൊ​ബൈ​ൽ​ഫോ​ണു​ക​ൾ മോ​ഷ്ടി​ച്ച്​ പ​ണം ത​ട്ടി​യെ​ടു​ത്ത​തി​നാ​ണ്​ ജ​യി​ലി​ലാ​യ​ത്. അ​തി​നെ തു​ട​ർ​ന്ന്​ ഭാ​ര്യ ഉ​പേ​ക്ഷി​ച്ച്​ പോ​യി.

ഇ​തി​ന്‍റെ വൈ​രാ​ഗ്യ​മാ​ണ്​ കൊ​ല​യി​ലേ​ക്ക്​ ന​യി​ച്ച​തെ​ന്നാ​ണ്​ വി​ശ​ദീ​ക​ര​ണം. എ​ന്നാ​ൽ ഇ​ത്ര​യും ക്രൂ​ര​മാ​യ കൊ​ല​പാ​ത​ക​ങ്ങ​ൾ ന​ട​ത്താ​ൻ ഇ​ത്​ മ​തി​യാ​യ കാ​ര​ണ​മാ​ണോ​യെ​ന്ന സം​ശ​യം ബാ​ക്കി​യാ​ണ്. ദി​വ​സ​ങ്ങ​ൾ ആ​സൂ​ത്ര​ണം ന​ട​ത്തി​യാ​ണ്​ പ്ര​തി കൊ​ല​പാ​ത​ക​ങ്ങ​ൾ ന​ട​ത്തി​യ​തെ​ന്നും പൊ​ലീ​സ്​ പ​റ​യു​ന്നു. കൊ​ല്ല​പ്പെ​ട്ട വി​ജ​യ​കു​മാ​ർ നാ​ട്ടി​ലെ​ത്തു​ന്ന​തു​ൾ​പ്പെ​ടെ കാ​ര്യ​ങ്ങ​ൾ കൃ​ത്യ​മാ​യി പ്ര​തി നി​രീ​ക്ഷി​ച്ചെ​ന്നാ​ണ്​ അ​നു​മാ​നം. ശ​നി​യാ​ഴ്ച അ​മി​ത്​ കോ​ട്ട​യ​ത്തെ​ത്തി റെ​യി​ൽ​വേ സ്​​റ്റേ​ഷ​ന്​ സ​മീ​പ​മു​ള്ള ലോ​ഡ്ജി​ൽ മു​റി​യെ​ടു​ത്തു. തു​ട​ർ​ന്ന്​ തി​രു​വാ​തു​ക്ക​​ലി​ലെ വി​ജ​യ​കു​മാ​റി​ന്‍റെ വീ​ട്​ പ​ല​കു​റി നി​രീ​ക്ഷി​ച്ചു. തി​ങ്ക​ളാ​ഴ്ച ലോ​ഡ്ജ്​ ഒ​ഴി​ഞ്ഞു. വൈ​കു​ന്നേ​രം ഇ​യാ​ൾ റെ​യി​ൽ​വേ സ്​​റ്റേ​ഷ​നി​ലും എ​ത്തി. പി​ന്നീ​ട്​ അ​വി​ടെ നി​ന്നും രാ​ത്രി​യോ​ടെ പു​റ​ത്തി​റ​ങ്ങി തി​രു​വാ​തു​ക്ക​ലി​ലെ വീ​ട്ടി​ലെ​ത്തി കൊ​ല ന​ട​ത്തു​ക​യാ​യി​രു​ന്നു.

അ​ഞ്ച​ര​മാ​സം ജ​യി​ലി​ൽ ക​ഴി​ഞ്ഞ​ശേ​ഷം ഈ ​മാ​സ​മാ​ണ് അ​മി​ത് ശി​ക്ഷ പൂ​ർ​ത്തി​യാ​ക്കി പു​റ​ത്തി​റ​ങ്ങി​യ​ത്. ജ​യി​ലി​ൽ ക​ഴി​യു​ന്ന സ​മ​യ​ത്താ​ണ്​ അ​മി​തി​നെ ഭാ​ര്യ ഉ​പേ​ക്ഷി​ച്ചു പോ​യ​ത്. ജ​യി​ൽ മോ​ചി​ത​നാ​യ അ​മി​ത്​ തി​രു​വാ​തു​ക്ക​ലി​ലെ വീ​ട്ടി​ലെ​ത്തി വി​ജ​യ​കു​മാ​റി​നെ​യും ഭാ​ര്യ മീ​ര​യെ​യും ഭീ​ഷ​ണി​പ്പെ​ടു​ത്തി​യ​താ​യും പ​റ​യു​ന്നു. ദ​മ്പ​തി​ക​ൾ​ക്കു നേ​രെ അ​മി​ത് വ​ധ​ഭീ​ഷ​ണി മു​ഴ​ക്കി​യ​തി​ന്​ സ​മീ​പ​വാ​സി​ക​ൾ ദൃ​ക്സാ​ക്ഷി​ക​ളാ​ണ്.