നായ്ക്കളുടെ ആക്രമണത്തിൽ നാല് ആടുകൾ ചത്തു

മുളക്കുളം: നായ്ക്കളുടെ ആക്രമണത്തിൽ മുളക്കുളത്ത് നാല് ആടുകൾ ചത്തു. നാലെണ്ണത്തിന് പരിക്കേറ്റു. മുളക്കുളം പാപ്പിനിശ്ശേരിയിൽ ചാക്കോയുടെ ആടുകളെയാണ് കൂട്ടമായെത്തിയ നായ്ക്കൾ ആക്രമിച്ചു കൊന്നത്.

ഞായറാഴ്ച ഉച്ചക്ക് ഒരു മണിയോടെയാണ് സംഭവം. വീടിനു സമീപം പാടത്ത് കെട്ടിയിട്ട പന്ത്രണ്ടോളം ആടുകളെയാണ് നായ്ക്കൾ ആക്രമിച്ചത്. വീട്ടുകാർ ഉച്ചയോടെ എത്തിയപ്പോഴാണ് വിവരം അറിയുന്നത്.