കോട്ടയം: സംസ്ഥാനവ്യാപകമായി നടക്കുന്ന പ്രതിഷേധങ്ങളുടെ ഭാഗമായി ജൂനിയര്‍ ഡോക്ടര്‍മാര്‍ കൂട്ടരാജിക്ക്. ജില്ലയില്‍ 79 ജൂനിയര്‍ ഡോക്ടര്‍മാര്‍ പത്തിന് രാജിവെക്കുമെന്നാണ് അറിയിച്ചിരിക്കുന്നത്.
വാഗ്ദാനം ചെയ്ത ശമ്പളം നല്‍കാത്തതില്‍ പ്രതിഷേധിച്ചാണ് രാജി. മൂന്നുമാസത്തേക്ക് താല്‍ക്കാലികമായി നിയമിക്കുമ്പോള്‍ 42,000 രൂപയായിരുന്നു സര്‍ക്കാര്‍ പ്രഖ്യാപിച്ച ശമ്പളം. എന്നാല്‍, സാലറി ചലഞ്ചും ടാക്‌സും അവധി ദിനങ്ങളിലെ വേതനവും കുറച്ച് ഇവര്‍ക്ക് ലഭിച്ചത് 27,000 - 29,000 രൂപ മാത്രം.
ഇവരില്‍ തന്നെ 28പേര്‍ക്ക് ഇനിയും ഒരുരൂപ പോലും ശമ്പളം ലഭിച്ചിട്ടില്ല. ഹൗസ് സര്‍ജന്മാര്‍ക്ക് 26,000 രൂപ കിട്ടുമ്പോഴാണ് തങ്ങള്‍ക്കു കുറഞ്ഞ തുക നല്‍കിയതെന്നും ജൂനിയര്‍ ഡോക്ടര്‍മാര്‍ പറയുന്നു. പല ഫസ്റ്റ് ലൈന്‍ ട്രീറ്റ്‌മെൻറ് സെൻററുകളുടെയും പ്രവർത്തനം ജൂനിയര്‍ ഡോക്ടര്‍മാരുടെ സേവനത്തെ ആശ്രയിച്ചാണ് നില നില്‍ക്കുന്നത്. പെട്ടെന്ന് ഇവര്‍ പടിയിറങ്ങിയാൽ ജില്ലയിലെ കോവിഡ് പ്രതിരോധ പ്രവര്‍ത്തനങ്ങള്‍ താളംതെറ്റുമെന്ന ആശങ്കയുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.