എരുമേലി: എരുമേലി-കൂട്ടിക്കൽ ജമാഅത്തുകളുടെ സംയുക്ത സംരംഭമായ ഭവനപദ്ധതിയുടെ താക്കോൽദാനം ഞായറാഴ്ച കൂട്ടിക്കൽ നാരകംപുഴ മക്കാമസ്ജിദ് അങ്കണത്തിൽ നടക്കും. വൈകീട്ട് 3.30ന് നടക്കുന്ന ചടങ്ങിൽ ദക്ഷിണകേരള ലജ്നത്തുൽ മുഅല്ലിമീൻ പ്രസിഡന്റ് മുത്തുക്കോയ തങ്ങൾ ബാഫഖി താക്കോൽ കൈമാറും. തൊടിയൂർ മുഹമ്മദ് കുഞ്ഞുമൗലവി സമ്മേളനം ഉദ്ഘാടനം ചെയ്യും. എരുമേലി മഹല്ലാ മുസ്ലിം ജമാഅത്ത് പ്രസിഡന്റ് പി.എ. ഇർഷാദ് അധ്യക്ഷതവഹിക്കും. കൂട്ടിക്കലിൽ പ്രളയത്തിൽ വീട് നഷ്ടപ്പെട്ട മരുതുംകുന്നേൽ അബ്ദുസ്സലാമിന് എരുമേലി മഹല്ലാ മുസ്ലിം ജമാഅത്ത് പ്രളയ പുനരിധിവാസ ഭവനപദ്ധതിയിൽ ഉൾപ്പെടുത്തിയാണ് വീട് നിർമിച്ചുനൽകുന്നതെന്ന് ജമാഅത്ത് സെക്രട്ടറി സി.എ.എം. കരീം അറിയിച്ചു. കൂട്ടിക്കൽ മുസ്ലിം ജമാഅത്ത് വാങ്ങിനൽകിയ സ്ഥലത്താണ് വീട് നിർമിച്ചിരിക്കുന്നത്. വസ്തുവിന്റെ രേഖ കൈമാറ്റം കേരള മുസ്ലിം ജമാഅത്ത് ഫെഡറേഷൻ പ്രസിഡന്റ് കടക്കൽ അബ്ദുൽ അസീസ് മൗലവി നിർവഹിക്കും. ചിത്രം: എരുമേലി -കൂട്ടിക്കൽ ജമാഅത്തുകൾ ചേർന്ന് നിർമിച്ചുനൽകുന്ന വീട്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.