കോട്ടയം: ബി.ജെ.പി നേതാക്കളുടെ പ്രവാചകനിന്ദക്കെതിരെ മഹല്ല് കോഓഡിനേഷൻ കമ്മിറ്റിയുടെ നേതൃത്വത്തിൽ കോട്ടയം താലൂക്കിലെ 51 പള്ളികളിൽനിന്ന് ആയിരത്തോളംപേർ പങ്കെടുത്ത പ്രതിഷേധറാലിയും സംഗമവും സംഘടിപ്പിച്ചു. കോഓഡിനേഷൻ കമ്മിറ്റി രക്ഷാധികാരി ഷിഫാർ മൗലവി അൽ കൗസരി അധ്യക്ഷത വഹിച്ചു. ഡോ. ജുനൈദ് ജൗഹരി അസ്ഹരി ഉദ്ഘാടനവും മുഖ്യപ്രഭാഷണവും നടത്തി. ബി.ജെ.പി നേതൃത്വം കേവലം പ്രവാചകനിന്ദയല്ല നടത്തിയത്. അറബ് രാഷ്ട്രങ്ങളുടേതടക്കം പ്രതിഷേധങ്ങളിലൂടെ ലോകരാഷ്ട്രങ്ങൾക്ക് മുന്നിൽ ഇന്ത്യയെ നാണം കെടുത്തി. ഇന്ത്യയുടെ സാമ്പത്തികവരുമാന സ്രോതസ്സിനുതന്നെ വെല്ലുവിളിയായിരിക്കുകയാണ് നബിനിന്ദ എന്നും അദ്ദേഹം പറഞ്ഞു. ഇന്ത്യയല്ല മാപ്പുപറയേണ്ടത്, സംഘ്പരിവാർ നേതൃത്വം ആണ് മാപ്പ് പറയേണ്ടതെന്നും സംഗമം ആവശ്യപ്പെട്ടു. താഹാ മൗലവി അൽഹസനി, സാദിഖ് മൗലവി, ഷഫീഖ് അൽ ജൗഹരി, ഉബൈദ് മൗലവി, ഹുസൈൻ മൗലവി, അബ്ദുൽ സത്താർ മൗലവി, നൗഫൽ മൗലവി, അജാസ് തച്ചാട്ട് എന്നിവർ സംസാരിച്ചു. റാലിക്ക് മഹല്ല് കോഓഡിനേഷൻ കമ്മിറ്റി ഭാരവാഹികളും വിവിധ മുസ്ലിം സംഘടനാ ഭാരവാഹികളും നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.