വിനോദസഞ്ചാര മേഖലയിലേക്ക് ചുവടുവെക്കാന്‍ നീണ്ടൂരും

കോട്ടയം: വിനോദസഞ്ചാര മേഖലയിലേക്ക് ചുവടുവെക്കാന്‍ നീണ്ടൂർ പഞ്ചായത്ത്​. വൈക്കത്തെ ഏഴുമാന്തുരുത്തിന്​ പിന്നാലെ മാതൃക ഉത്തരവാദിത്ത ടൂറിസം ഗ്രാമമായി പ്രഖ്യാപിക്കുന്ന പഞ്ചായത്താണ്​​ നീണ്ടൂർ. കാർഷിക ടൂറിസം മേഖലയായ നീണ്ടൂരിനെ അഗ്രി ടൂറിസം ഹബ്ബാക്കാനാണ്​ ലക്ഷ്യം. ടൂറിസം കൃഷിയുമായി ബന്ധപ്പെടുത്തി പദ്ധതിയുടെ ആവിഷ്കരണമാണ്​ ഉദ്ദേശിക്കുന്നത്​. ടൂറിസം മാർക്കറ്റിങ്​, ഫാം ട്രിപ്പുകൾ, ടൂറിസം മേഖലയിൽ തൊഴിൽ പരിശീലനം, ടൂറിസം പ്രോജക്ടുകളുടെ അംഗീകാരവും നിർവഹണവും തുടങ്ങിയവ പദ്ധതിയിൽ നടപ്പാക്കും. ടൂറിസം റിസോഴ്​സസിനായുള്ള മാപ്പിങ്​ 60 ശതമാനം പൂർത്തിയായി. നീണ്ടൂർ ഗ്രാമപഞ്ചായത്തിനെ മാതൃക ഉത്തരവാദിത്ത ടൂറിസം ഗ്രാമമായി പ്രഖ്യാപിക്കുന്നതി‍ൻെറ ഉദ്ഘാടനം ഞായറാഴ്ച വൈകീട്ട്​ മൂന്നിന്​ ശ്രീഭദ്ര ഓഡിറ്റോറിയത്തിൽ മന്ത്രി വി.എൻ. വാസവൻ നിർവഹിക്കും. തോമസ് ചാഴികാടൻ എം.പി മുഖ്യപ്രഭാഷണം നടത്തും. വാർത്തസമ്മേളനത്തിൽ പഞ്ചായത്ത് പ്രസിഡന്‍റ്​ വി.കെ പ്രദീപ്, വൈസ് പ്രസിഡന്‍റ്​ പുഷ്പമ്മ തോമസ്, സംസ്ഥാന ഉത്തരവാദിത്ത ടൂറിസം മിഷൻ കോഓഡിനേറ്റർ കെ. രൂപേഷ് കുമാർ, സ്ഥിരംസമിതി അധ്യക്ഷരായ എം.കെ. ശശി, പി.ഡി. ബാബു, ജില്ല കോഓഡിനേറ്റർ വി.എസ്​. ഭഗത് സിങ്​ തുടങ്ങിയവർ പ​​ങ്കെടുത്തു. -------------- ചന്തപ്പാലത്തിൽ വിടവ് കുമരകം: ചന്തപ്പാലത്തിൽ കോൺക്രീറ്റ് ഇളകി രൂപപ്പെട്ട വിടവ് കാൽനടക്കാർക്ക് ഭീഷണിയാകുന്നു. പാലത്തി‍ൻെറ വടക്ക് ഭാഗത്ത് പടികൾക്ക് സമീപമാണ് കോൺക്രീറ്റ് തകർന്ന്​ വിടവ് രൂപപ്പെട്ടത്. ഇതിനോട് ചേർന്ന ഭാഗങ്ങളും അടരുകയാണ്​. സ്കൂൾ തുറന്നതോടെ നൂറുകണക്കിന് കുട്ടികളാണ് ചന്തപ്പാലത്തിലൂടെ നടന്നുപോകുന്നത്. കുട്ടികളുടെ കാൽ വിടവിൽ അകപ്പെടുമെന്ന ഭയം രക്ഷാകർത്താക്കൾക്കുമുണ്ട്. ---------- സമ്മേളനം ഇന്ന്​ (must) വൈക്കം: തലയാഴത്തിനൊരു തണൽ ചാരിറ്റബിൾ സൊസൈറ്റിയുടെ വാർഷിക സമ്മേളനം ഞായറാഴ്ച രാവിലെ 10ന്​ തോട്ടകം സർവിസ് സഹകരണ ബാങ്ക് ഓഡിറ്റോറിയത്തിൽ നടക്കും. കോവിഡ്​ വ്യാപനകാലഘട്ടത്തിൽ തലയാഴം പഞ്ചായത്തിലെ ഒരുകൂട്ടം സർക്കാർ ഉദ്യോഗസ്ഥർ ചേർന്ന് കാൻസർ, കിഡ്‌നി സംബന്ധമായ രോഗങ്ങളാൽ ബുദ്ധിമുട്ട്​ അനുഭവിക്കുന്നവരെ സഹായിക്കാൻ തുടങ്ങിയ കൂട്ടായ്മ രജിസ്ട്രേഡ് ചാരിറ്റബിൾ സൊസൈറ്റിയായി മാറുകയായിരുന്നു. പഞ്ചായത്ത് പരിധിയിലെ 170 സർക്കാർ ജീവനക്കാരാണ് ഇതിലെ അംഗങ്ങൾ.